DILI– Klubu Segunda divizaun AD Estrella Baguia iha ambisaun boot hodi sa’i kampeaun ba Liga Futsal Segunda divizaun epoka 2023 ho nunee hahu halo ona negosiasaun ba jogador nain 8 hosi Klubu sira primeira divizaun.
Jornada janela tranfernsia epoka 2023 ne’e klubu segunda divizaun Liga futsal Timor Leste, AD Estrella Baguia hahu halo negoisasaun ho jogador sira hamutuk nian 8 hosi premiera divizaun atu rekruta.
Prezidente klubu AD Estrella Baguia, Helio Francisco Amaral, hatete, tuir enkontru iha tempu liu ba, maioria klubu sira deside ona katak Liga Futsal sei hahu iha fulan janeiru tinan oin.
Nia dehan, Ba Klubu AD Estrela Baguia rasik sente tempu ne’e sufisiente ona no jogador AD Estrela Baguia kuaze maioria preparadu atu kompete iha segundu divizaun
Nia haktuir, Oras ne’e dadauk AD Estrela Baguia sedauk iha kampu Permanente, maibe konaba treinu provizoriu AD Estrela Baguia treinu ona dala rua iha kampu Timor Lodge.
Nia explika, dadauk ne’e sira hala’o hela perparasaun treinu fokus liu ba fiziku depois de fiziku mak hakat ba tekniku Iha hahu ho faze por faze.
EB kontinua ho jogador tuan maibe iha mos jogador foun balun nebe sei haforsa EB, maibe liga ho jogador foun ne ami sei iha prosesu negosiasaun nia laran
“Jogador nain 8 mak ami halo ona negosiasaun maibe sedauk to iha faze finishing” dehan Helio Francisco Amaral ba JHD via WhatsApp Kinta, (15/12).
“Konaba naran jogador ami labele fo sai lai, tamba jogador sira husu atu ami sekreta lai sira nia naran” Nia komenta.
“Kuaze maioria jogador husi klubu permeiru divizaun” nia hakotu
Charlly Junior
