Dili– Modalidade Kushin Ryu hosi Federasaun Karate-do Timor Leste sei realiza kampieonatu nasional dahuluk ba nivel junior iha domingu 18 fulan Dezembru tinan ne’e.
Tuir Xefe Komisaun Organizadora Saturnino G. B. De Caldas, Informa, Kampieonatu Kushin Ryu nasional junior ba dahuluk ne’e sei realiza durante loron tolu hahu hosi loron 18 to’o 20 Tinan 2022, Iha Ginaziu Despotu Dili.
Komisaun Organizadora ne’e afirma, Iha kampieonatu ne’e hetan mos partisipasaun hosi atleta sira mai hosi munispiu sira hanesan Aileu, Ainaro, Bobonaro no Covalima, ba munispiu seluk tanba situasaun la permite entaun sira labele hola parte.
“Iha kampieonatu ne’e mos purvolta hosi 100 pesoas atleta junior kategori hosi klase 17 anos to’o mai 8 anos ida ne’e mak ami fo sa’i” dehan Xefe Komisaun Organizadora Saturnino G. B. De Caldas ba jornalista liu hosi konferensia imprensa iha GDD kaikoli, kinta, (15/12).
Ba kampieonatu junior nian ne’e hosi central Dili nian ne’e iha Dozo 4 Mak hanesan central, becora, maneleuana bairo pite ne’e mak sei hola parte iha kampieonatu ida ne’e
“Kampieonatu ida ne’e mos la hetan apoiu hosi governu ka entidade balu maibe hosi orsamentu rasik hosi kas hosi Kushin Ryu nian duni no mos kontribuisaun hosi simpai sira duni tanba ne’e mak orsamentu limitadu duni tanba ne’e mak ami fokus ba central liu liu ba munispiu sira hanesan Ohin ha’u temi” haktuir Komisaun Organizadora ne’e.
Manan nain sira Sei iha medaila no Taxa rotativa ba kampieonatu junior nian kampieonatu ne’e ba dahuluk tanba ne’e oinsa para perpara sira atu tuir selesaun atu bele partisipa iha kampieonatu rejional no mos internasional
“Kada Dozo sei reprezenta hosi atleta 20 munisipiu mos hanesan maibe munispiu balu menus tanba kondisaun la permite ne’ebe reprezenta nain 10 maibe total agora iha ami nia liman atleta hamutuk atleta 100” Nia hakotu.
Charlly Junior
