Dili–Jogador foin sae nain rua husi Sentru Juvenil munisipiu Baucau ho naran, Ario Melio Ximenes no Norberto Olivio Costa, ne’ebe mak hatudu prestasaun diak iha kompetisaun taxa juvenil iha tinan kotuk ne’e hetan fiar hodi ba hala’o treinu iha Brazil.
Kestaun nee hato husi SEJD,Abrao Saldanha iha Estadium Munisipal,Dili,segunda (12/12/2022).
“Alin nain rua nee depois de joga iha kompetisaun tinan kotuk, sira nain rua hetan komvite husi Brazil atu ba treinu iha Brazil”dehan nia.
Abrao afirma, daudaun ne’e buka SEJD buka hela meius atu apoiu hamutuk ho sira husi Brazil atu sira ba koko treina iha klubu ida iha Brazil .
Abrao akresenta, Jogador nain rua nee husi sentru futebol Juvenil Baucau, hein katak tinan oin bele mai husi Dili rasik no munisipiu seluk hodi hetan mos oportunidade ida nee hodi ba mos rai liu hodi reprezenta Timor Leste.
“Ida nee hanesan reszultadu ita nia esforsu durante tinan hirak nee,ita hakarak katak ita iha jogador juvenile sira neebe mak bele partisipa iha estranjeiru no bele hetan fihir atu bele lori sai ba iha rai liur”nia hakotu.
Iha fatin hanesan jogador Norberto Olivio da Costa sente orgullu tanba hetan oportunidade hodi reprezenta Timor Leste ba treina iha Brazil.
“Ami sente orgullu tanba durante nee ami treina deit iha loron manas laran nia rezultadu mak ida nee,neebe ami sei aproveita didiak oportunidade nee hodi reprezenta Timor Leste ba iha ema nia rai”katak nia.
Entretantu jogador Ario Melio Ximenes mos sente kontente tanba bele ba treinu iha rai liur.
“hau sente kontente tebes tanba hetan oportunidade hodi ba treinu iha Brazil” espresa jogador ne’e
CharllY Junior
