DILI– Centru juvenil hosi Munispiu 7 sei harame kompetisaun festival Kopa Juvenil sub-16, ne’ebe mak organiza hosi centru treinamentu futebol juvenil Timor Leste (CTFJTL)
Eventu ne’e Centru treinamentu futebol juvenil Timor Leste hala’o ona ba dala rua hahu hosi 202 no jogu ne’e hetan apoiu masimu hosi governu liu hosi Sekretariu estadu joventude no despotu (SEJD) no mos hetan apoiu moral hosi Federasaun Futebol Timor Leste (FFTL).
“Total orsamentu hamutuk dolar Amerikanu 30.525.50, Mak hodi realiza eventu ida ne’e maibe ami hakarak hatete katak eventu ne’e partisipa deit hosi munispiu 7 Mak hanesan, Dili, Bobonaro, Baucau, Lautem, Covalima, liquica no Ermera” relata prezidente Centru Treinamentu Futebol Juvenil Timor Leste (CTFJTL) Maria Canossa Soares liu hosi nia diskursu iha abertura festival Kopa Juvenil sub-16 iha stadion munisipal Dili, segunda (12/12/2022).
Nia Informa, kada munispiu partisipa ho Treinador ida no assitente trianador ida no jogador hamutuk 18 ho nunee total hamutuk 160 kompostu hosi Treinador nain 8 no asisten nain 8 no jogador hamutuk 144.
Jogu ne’e sei hala’o durante loron 6 hahu hosi loron 12 to’o 17 fulan ne’e
“Ami prepara mos premiu ba manan nain Primeru lugar to’o terseiru lugar no mos mellor markador, Mellor Jogador guarda rede no Mellor ekipa” nai relata.
Iha fatin hanesan Sekretariu Estadu Joventude no Despotu, Abrao Saldanha afirma, Jogu ne’e antes to’o mai iha ne’e antes ne’e sira iha tiha jogu entre centru munispiu rasik signifika iha tiha ona prosesu iha ona kraik antes mai to’o iha ne’e
Tempu badak tanba ekipa iha 8 sira iha pool rua deit entaun ne’e mak hala’o semana ida ne’e
“Prosesu jogu ne’e hahu hosi munispiu centru ida idak organiza depois mak reprezenta sira nia Munispiu Mai Kopa Juvenil sub-16” Abrao hakotu.
Charlly junior
