DILI– Domingu (11/12) ne’e modalidade Shotokan Karate-do Timor-Leste, realiza ezame hodi halo promosaun sintu ba membru hamutuk 160 resin iha Ginajiu Despotu Dili (GDD).
Ezame ba promosaun sintu ne’e nuudar planu anual hosi modalidade Shotokan Karate-do rasik ne’ebe mak realiza tinan ida dala rua primeiru no segundu trimestre hodi hetan atleta ne’ebe mak iha prestasaun.
“Primeiru trimestre halao ona iha fulan juñuno ohin realiza exame ba segundu trimestre nian,atleta ba Kohai Joponeses nian hamutuk 160 resin kompostu husi feto no mane kategoria labarik“dehan prezidente Shotokan Karate-do Timor Leste Antonio Carlos ba jornalista ohin.
Entertantu exame promosaun ne’e hosi sintu mutin ba sintu kinur, sintu kinur ba matak, no matak ba Ajul, Ajul sei ezame dala rua tan depois ajul nee ba senior kor kafe no ba too iha coklat senior level ida.
Prezidente Shotokan ne’e haktuir, ezame ne’e kada Munisipiu ida idak halo ninian tanba ezame ne’e hanesan prestasaun ka obrigatoriu ida treinu durante fulan neen nia tenke sae sintu.
Konaba orsamentu nee Lider Shotokan ne’e afirma, osan ne’e mai husi atleta rasik no ezame ne’e hala’o durante loron ida deit.
Iha fatin hanesan Treinador Karate Ferdi Alcino Dos Santos Informa, ezame ba shotokan nian kada fulan neen hala’o dala ida no tinan ida dala rua iha juñu ho dezembru
“Antes atu exame ami prepara ona sira nunee sira atu mai tuir ezame la bele halo sala no materia sira neebe mak ami fo sira bele halo tuir nunee sira bele pasa ba sintu neebe sira atu atinje“dehan nia.
Nia hatete Konaba tekniku nuudar treinador fo buat ne’ebe mak hetan fahe ba sira karik ba sintu ne’ebe sira pasa ba sira bele halo buat ne’ebe ami fo ba sira, i buat ne’ebe mak agora sira halo ne’e orientasaun husi estrutura no treinador ne’ebe mak hanorin.
“Esperansa ba futuru buat neebe mak ami fahe ba sira bele esforsu an ba atu ida-idak bele fahe fali ba alin sira tuir mai” nia hakotu.
Charlly Junior
