DILI – Prezidente Konfederasaun Despotu Timor Leste (CDTL) Macario Sanches, Informa, durante tinan 2022 iha Federasaun 5 mak hetan ona Diploma Ministeru numeru 40 konaba utilidade publiku.
Macario Sanches foin mak eleitu nuudar prezidente Konfederasaun Despotu Timor Leste (CDTL) iha asembleia jeral CDTL nian ba dalima iha tinan 2021.
Maske nune’e Macario Sanches konsege hatudu ona servisu diak durante tinan ida nia laran, liu hosi hala’o monitorizasaun ba Federasaun afiliadu 35 ne’ebe mak hamahan aan iha CDTL no halo mos promosaun ba Federasaun sira liu hosi simpoziu liu hosi formasaun hotu hotu ne’ebe Federasaun hamutuk 17 mak aktivamente partisipa iha atividade refere.
“Ami halo avaliasaun ba Federasaun sira ne’ebe mak deteta katak 2022 ita iha Federasaun 5 ne’ebe mak hatan ona ba diploma ministeru numeru 40. 2022 konaba utilidade publiku” dehan Macario Sanches ba jornalista hafoin hala’o asembleia anual Tinan 2022 nian iha salao Joao Paulo Comoro Dili sexta, (16/12).
Macario salienta, daudaun ne’e CDTL tenta para Federasaun sira aplika ona sira nia diretu atu nunee governu liu hosi Sekretariu Estadu Joventude no Despotu (SEJD) hodi bele investe ona ba Modalidade sira ne’e.
Macario mos enkoraja, Federasaun sira ne’ebe seidauk to’o iha ne’eba esforsu aan atu bele iha direitu atu bele hatan ba fundus ne’ebe mak diaponibiliza iha governu para sira Dezenvolve sira Nia Federasaun.
Modalidade Lima ne’e mak atu hetan Utilidade Publiku ne’e mak hanesan atletismu, boxe, voli, xadres, ho Futebol sira ne’ebe mak desde fulan hirak liu ba CDTL bolu ona atu bele hatama formulariu priense rekezitus sira ne’e bele lori ba Komisaun Nasional Despotu (KND) tanba ne’e oportunidade diak ida para tinan oin hetan ona direitu ba utilidade publiku sira ne’e.
Maske nunee Macario hatete “Importante liu mak agora ami halo avaliasaun para sira hetan sira nia diretu”
Charlly Junior
