DILI– Enkontru treparte entre Klubu, Asosiasaun Futsal Timor Leste (AFTL) ho Federasaun Futebol Timor Leste (FFTL) deside Liga futsal Timor Leste Primera no segunda divizaun adia ba tinan oin.
Antes ne’e Asosiasaun futsal Timor Leste loke janela tranfernsia iha loron 26 fulan Outubru liu ba no termina ona iha loron 14 fulan Novembru ne’e maibe AFTL foin mak simu deit klubu 4 klubu 3 hosi sugundu divizaun, klubu tolu ne’e mak hanesan Crazy Hose, Kablaki Fc, no Saralima Fc, no klubu Ida hosi Primera divizaun mak Ramelau Fc.
Situasaun ne’e akontese tanba klubu sira perkupa ho osan registu permiu de jogu no mos subsidiu ba klubu Sira ho nunee iha loron 2 fulan Dezembru ne’e AFTL ho FFTL konvida hikas dirizente klubu Sira hodi halo enkontru konba destinu Liga futsal epoka 2022.
Iha enkontru ne’e deputi FFTL explika kampeaun ba Primeru divizaun sei hetan $7,500, no Premio de Jogo $500 (80/20) Melhor Marcador $1,000, Melhor Jogador $1,000 no Melhor Guarda Redi $1,000 no ikus liu Premio kopa $5,000.
Enkuantu konba segunda divizaun $200 premio de Jogo manan 80 % derota 20% empata ekipa rua sei fahe 50% hotu.
Subsidiu ba clubu primeiro divisaun $2,000 no Segundo divisaun $1,000 maibe AFTL ho FFTL mos husu ba klubu Sira atu priense kriteria 5 hanesan Sporting Criteria, Personal Administrative, Legal Criteria, Infrastructure Criteria no Financial Criteria.
Aleinde ne’e osan depositu ne’ebe mak antes ne’e $1,000 hatun ba fali $500 ba primeiro divisaun enkuantu segunda divizaun antes ne’e $500 hatun fali ba $250
“konkordansia koletivu ida katak klubu 4 mak seidauk priense rekezitus liu liu sira nia sertidaun komprovativu seidauk iha se liga ne’e atu lao agora mos hanesan deit tanba tinan ne’e atu hotu ona ne’ebe sira hotu hotu konkorda no sira rekomenda AFTL ho FFTL prolonga ba tinan oin to’o iha Janeiru Mak ita loke fali janela tranfernsia sira mai kumpri sira ninia dever liu liu ba rekezitus rejistrasaun ninia” dehan Sekretariu jeral AFTL Fernando Baptista ba jornalista sira iha Xanana Sport center formoza Dili, sexta (02/12).
Konaba ba kampu AFTL desde inisiu kedas katak AFTL rasik la iha kampu FFTL la iha kampu atu realiza enatun momentu iha Pra Liga halo koperasaun ho F-FDTL halo rehabilitasaun ba kampu hodi uza.
“Ha’u hanoin hanesan klubu foin dadaun enkontru mos sira koalia kedas sira hakarak hatene uluk lai premiu de jogu hira, premiu kampeaun ne’e hira, sira nia subsidiu ne’e hira maibe ohin deputi rasik mak aprezenta ona ba sira diretu sira ne’ebe mak sira sei hetan mak hanesan ohin sira aprezenta ona ne’e 7.500.00 ba kampeaun Primera divizaun” Nia hatutan.
“$5,000.00 ba iha segundu divizaun i ba premiu de jogu $500 kada jogu ba Primeru divizaun i $200 ba segundu divizaun i ninia maneira fahe ne’e manan 80% lakon 20%, empata 50% .
Primera divizaun sei lao uluk tanba jogu ho full kompetisaun no segunda divizaun sei lao ikus tanba sei lao deit ho metade kompetisaun” nia tenik
Enkuantu Sekretariu jeral klubu Mushila Fc Aquing Ung PK sente kontente tanba bele iha aolusaun ba polemika ne’ebe mak akontese.
Hanesan ohin rona rasik katak klubu 4 deit mak mai rejistu barak mak seidauk mai rejistu tanba seidauk iha serteza ne’ebe klaru konaba premiu de jogu konba subsídiu ba klubu
Hanesan klubu ami labele investe demais ba klubu ita tenke Tane malu bainhira kuandu liga ne’e lao diak ona klubu bele moris Mesak ona entaun klubu labele depende tan ba Federasaun
Ida ne’e rezultadu diak tebes pozitivu ami preparadu atu bele mai kompleta rekezitus ne’ebe mak hosi asosiasaun futsal hato’o ona ba klubu
“kontente tebtebes sira mos bele hatun ona osan depositu hosi $1,000 dolar ba $500 dolar ne’ebe sente kaman oituan atu bele mai” dehan PK
Tanba liga sei hala’o iha fulan Janeiru, nia dehan, Sira Tenke hala’o ona perparasaun iha Fulan ne’e nia laran.
Hosi sorin seluk Prezidente klubu AD Estrella Baguia, Helio Francisco Amaral, hatete, Sira prontu kompete iha fulan Janeiru aumesmu tempu sira mos sei kumpri rekezitus ne’ebe mak AFTL fo.
“Ami prontu atu kompete iha Janeiru, tanba ami preparadu entermus de jogador ami perpara atu kompete iha janeru ne’e sei fo Ami perpara diak liu tan to’o iha Janeiru, Aumesmu tempu rekezitus ne’ebe ami perpara hela atu mai rejistu”
Enkuantu klubu 4 ne’ebe mak seidauk priense sertidaun komprovativu Mak hanesan Estrella Baguia Baucau All Star Fc Coelho no Gamer Fc.
CharllY Junior
