DILI– Governu liu hosi Sekretariu Estadu Joventude no Despotu (SEJD) preve orsamentu ho montante rihun $ 20,233.00, hodi realiza kampieonatu nasional ba Federasaun Xadres Timor Leste (FXTL).
“Tinan ne’e ita hetan apoiu hosi Sekretariu Estadu Joventude no Despotu montante $20,233 dolar ” dehan Prezidente Federasaun Xadres Timor Leste (FXTL) Jefrino Viegas Tilman ba jornalista iha Xanana Sport center formoza Dili kinta (12/01).
Nia haktuir, orsamentu ba kampieonatu nasional tinan ne’e sae tanba FXTL hatuur mos viagen ba jogador sira nain 10 kada asosiasaun xadres sira iha munispiu 13 nune’e mos orsamentu viagen ba prezidente Asosiasaun munispiu 13 ne’ebe mak posibilidade atu mai sira iha diretu ba orsamentu ida refere.
“Kampieonatu Nasional Xadres tinan 2022, ne’ebe mak realiza iha Janeiru 2023 ne’e ho nia objektivu atu halo selesaun ba atleta potensial sira ne’ebe mak sei reprezenta Timor Leste iha eventu rejional no mos eventu Mundial Sira” nai hatete.
Dadaun ne’e Ita perpara hela ita nia atleta sira hodi selesaun ba sea games masimu nain 4 maibe ita rekomenda nain 2 ba CDTL pois atleta ida seluk rezerva se atleta selesionadu ohin ne’e posivelmente reprezentante atleta feto mos Ita sei rekomenda.
Ba eventu sira seluk atleta ne’ebe mak tama iha top list pozisaun 1 to’o 10 ita asegura Sira hodi nunee ita halo perparasaun sepesial ba sira hodi nunee bele perpara diak liu tan ba eventu sira seluk karik tinan ne’e tinan oin ita sei ba partisipa tinan oin atleta ne’ebe agora dadaun iha eventu ruma atu halo selesaun ita uza sira para bele reprezenta Timor Leste.
Iha Fatin hanesan Sekretariu Estadu Joventude no Despotu (SEJD) Abrao Nokosiku Saldanha, konfirma, katak kampieonatu nasional xadres tuir lolos hala’o iha tinan kotuk maibe nia prosesu orsamentu tarde nune’e foin mak realiza iha fulan janeiru tinan ne’e.
“ kampieonatu nasional xadres Lolos realiza iha tinan kotuk maibe nia prosesu orsamentu ne’e ita so bele apoiu sira iha Dezembru entaun perparasaun iha Dezembru no realiza iha Janeiru” dehan nia
“kampieonatu ne’e nia objektivu atu apura atleta sira ba sea games se kazu Sea Games iha duni xadres enatun ita promove xadres estabelese ba partisipa Sea Games no mos hosi junior 17 mai kraik ne’e ita perpara ba jogu CPLP ne’ebe sei hala’o iha 2024” Nia Informa.
Partisipa iha Kampieonatu nasional ne’e atleta hamutuk 147 atleta mane hamutuk 95 atletas feto senior kuaze 27 feto junior kuaze 11 no mane junior 14.
Kampieonatu Nasional FXTL sei hala’o durante loron tolu hahu hosi loron ohin 12 to’o 14 fulan janeiru tinan ne’e.
Dvo
