DILI – Federasaun Karate-do Timor Leste (FEKATIL) dadaun ne’e perpara ona atleta selesionadu nain tolu (3) hodi partisipa iha jogu sudeste aziatiku (Sea Games) ba edisaun 32 iha Kambodia.
“Oras ne’e dadauk ami nia atleta perpara hela hosi Federasaun rasik i ami mos rona informasaun katak CDTL sei halo lansamentu iha dia 14 agora” Dehan Sekretariu jeral FEKATIL Antonio Carlos de Araujo ba JHD iha edifisiu CDTL tersa (10/01).
“Tuir jata governu ho CDTL deside karate-do sei haruka atleta nain 2 hanesan intimu no ida cadangan karik durante perparasaun mak diak kadaves tun tanba ne’e mak oras ne’e dadaun karate perpara atleta nain 3 feto ida no mane 2” tenik Carlos.
Atleta nain tolu ne’e mak Lucela Cardoso sei kompete hosi klase 68 kg, Deonisio Quefi sei kompete hosi 67 kg, no Bernardino De Andrade jurus KATA.
Atleta nain tolu ne’e Federasaun eskoila hafoin sa’i manan nain iha kompetisaun tuir sira nia kg iha tinan kotuk.
Nia dehan, jogu garante maibe fila fali ba perparasaun tanba kompara ho nasaun Sira seluk karik Ema perpara antes Ita foin mak hahu tanba ne’e mak depende ba governu ho CDTL nia kompetensia atleta Sira ne’e hela asrama no hala’o perparasaun iha asrama laran ne’e diak liu Tan.
Entertantu Sea Games edisaun 32 iha Kambodia ne’e sei kompete hosi Modalidade Desportiva hamutuk 39 no sei kompete hosi nasaun hosi sudeste aziatiku hamutuk 11 mak hanesan, Kamboja, Thailand, Vietnam, Singapore, Malaysia, Indonesia, Myanmar, Filipina, Laos, Brunei Darussalam inklui Timor Leste.
Timor Leste rasik sei kompete iha Sea Games Kamboja ne’e ho Modalidade hamutuk 8 mak hanesan Atletismu, Futebol, Taikondow, sikilizmu, xadres, voli praia Boxe no Karate-do.
Dvo
