DILI– Enkontru triparte entre Federasaun futebol Timor Leste (FFTL) no Liga Futebol Timor Leste (LFTL) hamutuk ho Sekretariu Estadu Joventude no Despotu (SEJD) hodi diskute konaba Liga Timorense epoka 2022-2023 SEJD fo solusaun rua ba FFTL.
Relasiona ho realizasaun Liga Timorense epoka 2022-2023 ne’ebe mak to’o oras ne’e ladauk realiza ho nunee ohin tersa (10/01/2023) Sekretariu Estadu Joventude no Despotu (SEJD) hala’o fila fali enkontru ho Federasaun Futebol Timor-Leste (FFTL) ne’ebe mak nu’udar nain ba Futebol iha Timor Leste ho orgaun Liga Futebol Timor-Leste (LFTL) nu’udar implemtador ba Liga Timorense hodi diskute konaba destinu Liga Timorense ba epoka 2022-2023.
Hafoin remata enkontru prezidente interinu Liga Futebol Timor-Leste (LFTL), Octavio da Conceicao, informa, iha enkontru ne’e Sekretariu Estadu Joventude no Despotu fo solusaun rua no fo konfiansa ba parte FFTL atu nomeia jestor rua ida organiza Liga Timorense no ida seluk organiza asembleia jeral ba orgaun Liga nunee bele iha lideransa LFTL ne’ebe elezivel
“Ohin sekretariu estadu joventude no despotu fo solusaun rua ida federasaun hanesan nain ba futebol iha Timor Leste orgaun reguladora sei nomeia ekipa jestor ida para depois kontinua organiza kompetisaun liga ekipa ida sei kontinua mos organiza asembleia jeral ba orgaun liga hodi bele hetan lideransa orgaun Liga nian ne’ebe mak elizivel” dehan Prezidente interinu LFTL Octavio da Conceicao ba jornalista Sira.
Nia afirma, federasaun iha kompremisiu katak sei fo apoiu finansiamentu suporta ba klubu sira hamutuk ho osan sira ne’ebe mak mai hosi governu liu hosi Sekretariu Estadu Joventude no Despotu hodi finansia atividade Liga Timorense.
“Ami iha konkordansia ona ohin iha hanoin sira katak oinsa mak klube sira hamutuk ho Liga ho Federasaun diskute konaba jestaun implementa kompetisaun nee” Nia haktuir.
Nia rekorda katak, Iha tinan kotuk la konsege realiza kompetisaun tanba iha situasaun sira ne’ebe mak afeta mos ba orgaun Liga rasik. Lideransa prezidente orgaun Liga Nilton Gusmao rezigna aan no vise prezidente orgaun Liga Germano da Silva mate tiha entaun kondisaun ida ne’ebe mak ladun diak hodi implementa kompetisaun.
“ Tinan ida ne’e iha ona konkordansia entre klubu primeira divizaun no segunda divizaun no mos federasaun katak epoka ida ne’e bele implementa iha inisiu de fulan Fevreiru” tenik nia.
Iha Fatin hanesan Sekretariu jeral Federasaun Futebol Timor-Leste (FFTL) Gregorio Correia, hatete, FFTL prontu ona para liga bele lao iha inisiu fin de fulan janeiru ne’e.
“Ohin ami konkorda malu ona bainhira mak rejistu ami tuur hamutuk Federasaun prontu para transfere 40% ba ami hein deit sira dehan loos ona” nia afirma.
Dvo
