DILI– Orgaun Liga Futebol Timor-Leste, (LFTL) no Federasaun Futebol Timor-Leste (FFTL) hahu diskute asuntu tekniku ba realizasaun Liga Timorense epoka 2022-2023.
“Ohin orgaun Liga Futebol Timor-Leste hamutuk ho Sekretariu jeral Federasaun Futebol Timor-Leste koalia liu ba asuntu tekniku ba realizasaun kompetisaun liga 2022-2023” hateten prezidente interinu LFTL Octavio da Conceicao ba jornalista sira hafoin remata enkontru Sekretariu Jeral FFTL Gregorio Correia, iha edifisiu FFTL Bairru dos Gerilus Dili, Tersa (17/01).
“Kestaun tekniku sira ne’e liga ho apoiu sira ne’ebe mak atu fo ba klubu sira no mos apoiu ba ekipa jestaun sira ne’ebe mak atu lidera kompetisaun ne’e rasik” Nia afirma.
Nia dehan, iha hanoin balu katak epoka tinan ida ne’e sei dirije hosi ekipa jestaun ida ne’ebe mak nomeia hosi Federasaun Futebol Timor-Leste hanesan orgaun regulador para atu bele halo jestaun ba Liga durante epoka ida ne’e.
“Ohin akordu tiha ona iha diskusaun aseita malu tiha ona katak komesa aban orgaun liga sei aprezenta estrutura sira ne’ebe mak sai hanesan responsavel ba kada komisoens sira ne’ebe mak kada komisoens sira ne’ebe mak atu hola reaponsablidade ba kompetisaun ne’e depois de ida ne’e mak federasaun sei nomeia kordenador jeral ba ekipa jestaun i ema ne’e iha ona i hein deit ninia realizasaun ne’e mais a tarde proxima semana ou bele sedu liu iha seamana ida ne’e nia laran tanba nomeiasaun depois bele realiza Liga” nia hakotu
Enkuantu antes ne’e iha ona desizaun koletivu hodi realiza Timorense epoka 2022-2023 ne’e iha loron 18 fulan fevreiru tinan ne’e.
Dvo