DILI — Federasaun Futebol Timor-Leste (FFTL) dadaun ne’e kesi ona kontratu Treinador Park Soontae hosi nasaun Korea do Sul hodi subtitui Treinador Fabio Joaquim Marcial da Silva, hodi treina jogador selesaun Nasional Timor Leste.
Hafoin treinador Fabio Joaquim Marcial da Silva deside rejigna aan iha fulan maiu tinan 2022 tanba la hetan salariu durante fulan lima. Federasaun futebol Timor Leste konsege kontratu ona ho treinador foun hodi treina selesaun nasional Timor Leste no treinador refere sei to’o iha Timor Leste iha fulan fevreiru ne’e.
“Treinador laos la iha lae agora iha hela koperasaun entre Timor Leste ho Corea do Sul, hein deit kontratu lao hotu ona nia Fevreiru sei to’o iha ne’e nia treinador nasional ba timnas no ba tim sira seluk hotu tanba ne’e mak nia subtitui ” Informa prezidente Federasaun Futebol Timor-Leste (FFTL) Francisco Jeronimo ba JHD iha CNE Kolmra Dili Domingu (15/01).
Prezidente FFTL ne’e hatete, treinador ne’ebe mak atu subtitui Treinador Fabio Marcial ne’e hosi Koreanu.
“To’o ha’u nia tempu tomak to’o ha’u nia mandatu tanba tinan haat so nia kuandu la halo tuir buat atinzimentu ne’ebe mak ami hakarak entaun ami hamate kontratu maibe se serbisu diak ami sei kontinua” prezidente afirma.
Entertantu, Treinador Fabio Joaquim Marcial da Silva deside rejigna aan iha fulan maiu tinan 2022 liu ba tanba FFTL la fo salariu durante fulan lima.
Dvo
