DILI– Asosiasaun Antigus Alunus Dom Bosco Dili, realiza torneo “Dom Bosco Cup 2023” hodi promove paz no amizade entre joven sira.
“Jogu sira ne’e realiza hanesan parte ida hodi selebera festa Dom Bosco ba tinan 2023 ninia ho objektivu lolos atu promove paz amizade entre joven sira liu liu iha Dili” dehan Sekretariu Jeral Asosiasaun Antigus Alunus Dom Bosco (AAADB) Dili, Armando da Costa, ba jornalista iha Kampu futsal Cristal Dili, domingu (15/01).
“Lokraik ne’e ita hotu hotu iha ne’e hodi hala’o jogu dala uluk ba Dom Bosco Cup iha modalidade futsal no aban sei iha modalidade basketbal no mos sei iha atividade seluk to’o dia 31 janeiru hodi komemora festa Dom Bosco” nia afirma.
Sekretariu Jeral ne’e explika, Jogu futsal ne’e realiza iha kampu futsal Cristal ninian ne’e hanesan apoiu ida mai hosi fundasaun Cristal ba iha asosiasaun antigus alunus Dili ninian.
Nia dehan, fundus ba atividade jogu sira ne’e mai hosi klubu sira ne’ebe halo rezistu nune’e mos kontribuisaun hosi alumni antigus alunus sira hodi realiza atividade ida refere.
Eventu refere partisipa hosi klubu futsal hamutuk 20 no kada klubu rejistu ho osan $ 50 dolar
Klubu 20 ne’e komisaun organizadora fahe ba pool (4) hosi pool A to’o pool (D) kada pool ida kompostu hosi klube 5.
Jogu ne’e abertura hosi klube Jocris Fc kontra Asmali Fc no iha abertura Jocris manan ho score 17-4.
Dvo
