DILI– Xadresista Jose Fernandes susesu sa’i Kampeaun iha Kampieonatu Nasional Federasaun Xadres Timor Leste (FXTL), nivel standar.
kampieonatu nasional ba Federasaun Xadres Timor Leste (FXTL) 2022 ne’ebe mak realiza iha Xanana Sport center formoza Dili durante loron tolu ne’e termina ona ho susesu.
Kompetisaun Xadres 2022 ne’e partisipa hosi atleta hamutuk nain 147 ne’ebe reprezenta hosi asosiasaun xadres hamutuk 12 inklui ho Raeoa.
Kampieonatu refere fahe ba junior feto no mane, senior feto no mane ho modelu kampieonatu xadres standar no blins kampieonatu refere hala’o durante loron tolu hahu iha loron 12 no termina iha sabadu (14/01/2023).
Hafoin simu premiu atleta Jose Fernandes ne’ebe mak hetan primeru lugar iha eventu refere espresa Sentimentu kontente tanba bele hetan primeru lugar iha eventu refere.
“Nu’udar atleta sente kontente, espera iha futuru bele iha kompetisaun barak liu tan atu nune’e ita bele identifika atleta junior sira para kompetisaun ne’e bele kompetetivu nune’e bele fo orgullu ba pesoal karik iha kompetisaun internasional nia bele kompete” dehan Jose ba JHD iha Xanana Sport Center.
Hosi Sorin seluk Prezidente Federasaun Xadres Timor Leste (FXTL), Jefrino Viegas Tilman, hatete Kampieonatu Nasional Federasaun Xadres Timor Leste durante loron tolu lao ho susesu.
“Kampeonatu xadres 2022, ne’ebe mak federasaun xadres realiza durante loron tolu ho atinzimentu rezultadu ne’ebe diak tebes tanba hosi kategoria kampieonatu ne’ebe ita realiza hatan atleta diak sira ne’ebe mak selesionadu hodi reprezenta Timor Leste aban bairua eventu ruma ne’ebe mak Timor Leste sei partisipa” dehan Prezidente FXTL.
Entertantu, premiu ba manan nain sira mak hanesan primeru lugar ba kompetisaun standar hetan premiu 300 dolar ho Taxa ida no segundu lugar osan ho montante 250 ho taxa ida no terseiru lugar 200 dolar ho taxa ida.
Ba pozisaun kuartu lugar hetan osan montante 150, no kintu lugar osan ho montante 125 no ba sextu lugar hetan osan montante 100 dolar.
fundus ba kampieonatu nasional federasaun xadres ne’e rasik finansia hosi sekretariu estadu joventude no despotu (SEJD) hamutuk 20.233 dolar amerikanu.
Dvo
