DILI– Klubu primeira divizaun Fc Porto Taibesi preparadu no prontua partisipa Liga Timorense epoka 2022-2023, no semana oin sei rejistu jogador iha orgaun liga futebol Timor Leste (LFTL).
“Rejistrasaun nian hein deit desizaun husi treinador sira no manajementu katak jogador sira ekipa nian preparadu no forsa iha loron segunda ka tersa semana oin klube prontu ba rejistu iha orgaun LFTL maibe klube Portu Taibesi prontu partisipa Liga Timorense epoka 2022-2023“, dehan prezidente klubu Fc Porto Taibesi Evodio Andrade ba jornalista sira iha kampu Taibesi, Dili kuarta, (25/01/2023).
Prezidente klubu ne’e afirma, jogador sira ne’ebe mak iha tinan 2021 lori klube Porto Taibesi promovidu ba primeru divizaun hamutuk nain-20 ne’e prontu hela maibe sira sei tenta buka jogador nain hitu ne’ebe iha esperensia joga iha divizaun dahuluk Liga Timorense iha tinan hirak liu ba husi baliza, mediu no avasadu para kompleta kriteria jogador husi orgaun LFTL.
Iha fatin hanesan treinador klubu Porto Taibesi Miro Baldo Bento, hatete, Liga Timorense hahu iha fulan fevereiru mai derepente halo klubu hotu problema ba preparasaun la iha treinamentu eseptu husi klubu sira ne’ebe nia jogador tama selesaun nasional.
“Ita nia Liga Timorense sei hahu iha fulan fevereiru ne’ebe mai ho urjensia ka derepente, klube hotu laos Porto Taibesi deit problema ba preparasaun la iha treinamentu eseptu ita nia klube sira nia jogador tama selesaun nasional hanesan AD SLB Laulara, As Ponta Leste ho Emmanuel FC“, tenik treinador
Entertantu antes ne’e iha ona konkordansia entre klubu ho LFTL hodi realiza Liga Timorense epoka 2022-2023 ne’e iha loron 17 fulan Fevreiru tinan ne’e.
LFTL rasik simu ona Klubu ne’ebe mak rejistu ona sira nia jogador hodi kompete Liga Timorense hamutuk 9 kompostu hosi Primeru divizaun haat no segunda divizaun lima.
Primera divizaun ne’ebe mak rejistu ona mak hanesan Coracao Fc, Ponta Leste, Karketu Dili Fc, no assalam Fc.
Hosi segunda divizaun mak hanesan, DIT Fc, Nagardjo Fc, Lica-Lica Lemorai Fc, Fiel
Dvo