DILI– Jocria Fc susesu sai kampeaun ba torneo futsal Dom Bosco Cup tinan 2023 hafoin halakon nia ekipa adversariu Malvec Fc ho score 9-5 iha final.
Jogu entre ekipa rua ne’e hala’o iha kampu futsal Cristal Dili domingu (29/01). Iha inisiu jogu ekipa rua ne’e hotu hotu ritmu jogu ho ne’ebe makas maibe ekipa Jocris ne’ebe mak hatudu ritmu jogu diak konsege marka golu tolu tuir malu hodi taka Primera parte ho score 3-0.
Kontinua ba jogu segunda parte jogu sa’i manas liu tan halo ekipa rua ne’e lansa kontra no atake ba malu ho nune’e iha segunda parte ekipa Jocris produs tan golu 6. Enkuantu ekipa Malvec konsege produs golu 5 ho nune’e too termina jogu segunda parte vitoria ba Jocris Fc ho score 9-5.
Ho rezultadu vitoria ne’e lori ekipa Jocris sa’i kampeaun ba eventu torneo Dom Bosco Cup tinan 2023.
Entertantu ekipa Malvec Fc obrigado tenke sa’i segundu lugar ba eventu refere.
Enkuantu terseru lugar monu ba ekipa Baixu Balide hafoin halakon ESE 18 ho liu hosi drama suta penalidade.
Jogu ne’e rasik ho objektivu atu festeza loron Sao Joao Bosco hanesan aman no mestre ba foin sae sira ba dala 135, ho tema “Fratenidade umana nuudar fermentu ba Hametin Paz iha sosiedade”.
Jogu refere abertura iha loron 15 fulan janeiru ne’e no termina ohin. partisipa iha enseramentu Torneo Dom Bosco Cup ne’e mak hanesan prezidente ezekutivo fundasaun Cristal Agostinho dos Santos ho estrutura hosi fundasaun Cristal, no xefe aldeia bairru altu Maria Joana no Komisaun Organizadora ba Dom Bosco no mos Komunidade sira.
Dvo
