DILI– Modalidade tolu rezista ona iha Komite Olimpico Nasional Timor Leste (CONTL) atu partisipa iha Sea Games Kambodia tinan 2023 ho nia osan rasik.
Tinan ne’e Timor Leste sei partisipa iha eventu Sea Games ba edisaun 32 iha nasaun Kambodia ho modalidade 7 mak hanesan modalidade Federasaun Futebol Timor-Leste (FFTL), Federasaun Voleibol Timor Leste (FVTL) – Voli Praya, federasaun Atletismu Timor Leste (FTA) Federasaun Taikondow Timor Leste (FTTL) Federasaun cicilismo Timor Leste (FCTL), Federasaun Boxe Amadora Timor Leste (FBATL) no Federasaun Karate-do Timor Leste (FEKATIL).
Maibe iha mos modalidade tolu seluk ne’ebe mak hakarak partisipa iha eventu rejional refere ho sira nia fundus rasik modalidade tolu (3) ne’e mak hanesan, Soft Tennis, sepak takraw, no Badminton.
“Iha Modalidade tolu seluk ne’ebe buka rasik apoiu federasaun internasional mak hanesan soft tennis, sepak takraw, inklui Badminton sira mak selu rasik informa mai xefe de misaun atu partisipa la liu hosi governu” informa Xefe de misaun Vicente de Carvalho ba jornalista iha nia knaar fatin CONTL kuarta (01/02).
Entertantu Sea Games Kambodia tinan 2023 ne’e sei partisipa hosi nasaun 11 Iha sudeste aziatiku mak hanesan Kambodia, Thailandia, Vietnam, Singapore, Malaysia, Indonesia, Laos, Brunei Darusallam, Myanmar, no Timor Leste Rasik
Dvo
