DILI– Jogador selsaun nasional Paulo Domingos Gally Freitas sei haforsa Klubu zigante Karketu Dili Fc iha Liga Timorense epoka 2022-2023.
Eis jogador AD SLB no Lalenok United ne’e hatete nia parte deside hodi ba joga ho Karketu Dili Fc tanba klubu aseita ho sujestaun ne’ebe mak nia hato’o
“Hau desidi joga ba Karketu tanba karketu aseita ho sujestaun no kriteria balun hau husu, hau hetan Kontratu iha liur hau ba joga iha liur la iha porlema ba ida ne’e no sira apoiu no suporta ha’u nia kareira hodi ha’u deside ba kartektu” dehan Nia ba JHD iha nia rezidensia Delta, Tersa (07/02).
“Liga Epoka 2022-2023 agora ne’e joga fulan 2 ou 3 dt ne’ebe tuir kontratu ne’e to’o liga ne’e remata” Nia hatutan.
Paulo Gally deside hodi haforsa armada matak malirin tanba ekipa refere mos nu’udar ekipa zigante hodi bele buka esperensia iha ne’eba.
Konaba salariu Gally haktuir ne’e sufsiente maibe nia parte lakohi fo sa’i tanba ne’e konfidensial.
Entertantu Liga Timorense epoka 2022-2023 ne’e sei abertura iha loron 17 fulan Fevreiru ne’e.
Dvo
