DILI — Klubu primeira divizaun Karketu Dili Fc, rekruta ona jogador foun nain lima (5) inklui jogador estranjeiru nain rua (2) hodi haforsa Karketu Dili Fc. Ho prezensa jogador foun sira ne’e halo armada matak malirin optimista sei save metin titulu kampeaun.
Karketu Dili Fc nuudar ekipa kampeaun Liga Timorense epoka 2021 ho nune’e ekipa zigante munispiu Dili ne’e iha ambisaun boot hodi kaer metin titulu kampeaun ho nune’e sira halo ona rekrutamentu ba jogador estranjeiru nain rua inklui jogador Estrela Timoroan Paulo Gally.
“Jogador foun duni mak hanesan Angel hosi Lalenok United, iha mos Papi eis jogador Boavista Fc Timor no mos Paulo Gally eis jogador Lalenok United Fc” dehan Sekretariu jeral Karketu Dili Fc, Elizeu Isac ba JHD iha Kampu futebol Markoni Kuarta (08/02).
“Tuir planu tolu maibe jogador fiksu ona rua hein mai deit dentru de semana ida ne’e nia laran ou bele mos semana oin ida naran Mauricio Arias Gonzales, hosi Chile, ida tan Patrick Nyale hosi Kenya” nia Informa.
Nia expliy, jogador Mauricio Arias Gonzales rasik iha ona esperensia iha jogu iha klubu iha nasaun Chile no mos Europa hanesan Italia, no jogador Patrick Nyale kleur ona joga iha Klubu ida iha Indonesia.
“Kontratu ba jogador estranjeiru nain rua ne’e to’o liga Timorense epoka 2022-2023 ne’e remata” Nia tenik
“Karketu klubu kampeaun, klaru ke tinan tinan klubu kampeaun nia tenke hanoin kampeaun maibe futebol ita hotu-hotu labele halo prediksaun maibe ami optimistista katak sura mos ami iha epoka 2023 i ami optimistista sei save metin titulu kampeaun i ami fiar katak ami sei halo istoria mos” dehan Sekretariu Geral ne’e ho fiar aan.
Konaba perparasaun Sekretariu jeral ne’e afirma, Karketu Dili Fc, perparadu tanba, hafoin rona novidades furak hosi soru-mutu triparte, ne’ebé realiza entre sekretáriu estadu Juventude no desportu (SEJD), Federasaun Futeból Timor-Leste (FFTL) No liga futeból Timor-Leste (LFTL) armada matak malirin hahú halo kedas preparasaun ba jogadór hodi enfrenta kompetisaun liga timorense époka 2022-2023.
Dvo
