DILI– Klubu primeira divizaun Academica Fc ofisialmente kesi ona kontratu ho jogador estranjeiru ida hosi nasaun vizinhu Indonesia hodi haforsa ekipa refere iha kompetisaun Liga Timorense epoka 2022-2023.
“Ami agora iha jogador estranjeiru ida nia ema Indonesia uluk nia joga iha AD SLB ho Kakusan ikus ami bolu fila fali Mai haforsa ho ami” Luzinho dos Santos ba JHD iha kampu futebol Komoro Dili, kinta, (09/02).
“Jogador agora iha lista 17 pesoas ami sei buka tan jogador. Maske ami nia jogador seidauk masimu maibe ami tenke fo nafatin konfiansa tanba ita treinu mak foin ba kompete iha Liga” nia komenta.
Nia dehan, Academica Fc hahu hala’o perparasaun kuaze fulan ida ona no maibe jogador mak menus, maibe sira kontinua perpara fiziku, no komesa tama sistema formasi ne’ebe mak nia perpara tekniku no tatiku ne’ebe mak perpara fo ba jogador sira.
Enkuantu jogador estranjeiru Dani Aryanto, hatete academica fc kontrata nia durante fulan tolu
“Ita kontratu ho Academica ho durasaun fulan tolu, tanba liga iha ne’e kleur liu fulan tolu karik orsida aumenta ita sei aumenta” dehan Dani Aryanto
Eis jogador AD SLB no PSMS Medan, ne’e hatete nia iha esperansa hodi hodi lori Academica Fc mantein pozisaun priemeira divizaun.
“Hau nia esperansa hamutuk ho Academica Fc bele mantein iha primeira divizaun maibe karik iha rezeki bele tama final” nia hakotu.
Dvo
