DILI– Sekretariu jeral Klubu AD. S.L.B, Domingos Caeiro, hatete, kompetisaun Liga Timorense epoka 2022-2023 ne’ebe mak lao deit durante fulan rua ne’e hanesan kompetisaun Kopa baibain.
“Normalmemte liga ne’e tenke joga naruk se primera divizaun iha 9, pelumenus tenke joga too dala 17 mais realidade agora joga dala 8 deit Ida ne’e mak ha’u lakohi atu temi dehan Liga maibe ne’e hanesan kompetisaun hanesan kopa ida” dehan Sekretariu jeral AD SLB Domingos Caeiro, ba JHD iha nia rezidensia aimutin Sexta (10/02).
“Ita lakohi para Timor Leste naran monu iha Asian entaun ita bele konsidera nafatin hanesan liga mais ba ha’u hatete katak ne’e Kompetisaun kopa ida baibain ne’e” nia hatutan.
Entertantu Liga Timorense epoka ne’e sei Lao deit durante fulan rua hahu iha loron 17 fulan ne’e no sei termina iha fulan abril.
Total orsamentu ne’ebe mak apoiu ba Liga ne’e hamatuk rihun $ 440, hosi total orsamentu nee 240 mai hosi Sekretariu Estadu Joventude no Despotu (SEJD). No rihun atus rua hosi federasaun futebol Timor Leste (FFTL).
Klubu ne’ebe mak sei partisipa iha primeira divizaun Liga Timorense mak hanesan, Karketu Dili Fc, Assalam Fc, Ponta Leste, AD SLB, Fc Portu Tiabesi, Coracao Fc, Emmanuel Fc, Academica Fc.
Asino da Costa
