DILI — Ohin klubu futebol hamutuk 17 kompostu hosi primeira divizaun 9 no segunda divizaun 8 dada ona sorteu atu kompete iha Liga Timorense epoka 2022-2023 ne’ebe mak sei abertura iha loron 17 fulan fevereiru ne’e.
Liu hosi technical meeting ne’ebe mak hala’o iha Xanana Sport Center Sabadu (11/02). Ekipa Fc Portu Tiabesi mak sei kontra Aitana Fc iha jogu abertura.
Hafoin dada sorteu diretur tekniku Aitana Fc, Ricardo Correia Mendonca, ho fiar hodi hatete, Aitana Fc optimista hodi manan jogu refere.
“Ami iha optimista tenki manan tamba iha primeiru do jogu Aitana sempre manan ami ho treinador jose Fonseca ne’ebe ami garantia tenki manan” dehan diretur tekniku Ricardo Correia Mendonca.
“Aitana sei iha jogador estranjeiru ida husi nasaun Guine dalaruma aban sei to iha Timor Leste” nia hatutan.
Iha fatin hanesan management klubu Fc Porto Taibesi, Charles Guterres, responde kedas lia kroat hosi Aitana Fc, hodi hatete Fc Portu Tiabesi perparadu hodi hasoru Aitana Fc maibe 90 minutus mak sei determina.
“Portu mos nafatin optimis katak ita sei joga lai 90 minutus ne’e portu mos preparadu, pois mais jogador ne’ebe maka ita bele dehan katak atu goja esperensia hotu hau mos garntia katak ami sei joga diak sei hatudu joga diak, mais karik sorti diak mai ami maka husi parte portu mos bele dehan portu menan ona” dehan Charles Guterres hodi responde ba Lia kroat hosi Aitana Fc.
Nia hatutan, Fc Portu mos halo ona kontratu ho jogador estranjeiru hamutuk nain haat hodi kompete iha liga.
Entertantu hosi jogu segunda divizaun sei abertura hosi klubu As Marca kontra Santa Cruz Fc iha loron 23 Fulan Fevereiru iha Estadion Manicipal Dili.
Alsiono da Costa
