DILI– Klubu Futeból Salaun futsal hamutuk 59 kompostu hosi ekipa mane 40 no ekipa femenina hamutuk 19 sei harame kompetisaun taca Juventude Fretelin.
Jogus futsal ne’e organiza hosi partidu Fretelin ho objektivu atu hametin amijade unidade entre joven sira.
“Klubu mane ita iha 40 no feto iha 19 atividade ida ne’e atu akumula joven sira i liuliu atu hametin amijade unidade entre sira ida maka Futsal” dehan Koordenadór kompetisaun Futsal Fernando Batista Xavier ba jornalista iha CCF Komoro Kuarta (15/02).
“Hau nia hanoin ne’e osan husi partidu rasik i balun husi ita nia rejistrasaun ne’e, ho osan garantia ne’ebe maka sira mai ne’e ita maneja fali ida ne’e para ita organija kompetisaun ida ne’e, ne’ebe ita bele kolia katak 30% rejistu ne’e 70% husi partidu rasik” nia hatutan.
Kada klubu rejistu osan montante dolar 50 no dolar 20 nuudar rejistrasaun no 30 dolar, nuudar osan garatia.
total premiu orsamentu ba kompetisaun refere hamutuk dolar 2400.
Premiu ba kampeaun primeru lugar hetan 500 segundu lugar 350 no terseiru lugar hetan dolar 100
Ba primeru lugar sei hetan taca permanente ida inklui Taca rotativa kompetisaun ne’e rasik realiza ona ba dala rua, antes ne’e hala’o iha tinan 2016.
Nia explika regras ba kompetisaun ne’e sei limita jogador masimu liu nain 2 deit iha klubu ida.
Jogu ne’e rasik sei abertura iha loron 18 fulan ne’e iha kampu futsal Bebora Dili
Alsino da Costa
