DILI–Ministru Joventude Despotu Arte no Kultura (MJDAK) Nelyo Isac Sarmento, informa, Timor Leste seidauk prontu atu sa’i uma nain ba eventu Jogus Comunidade Paises da Lingua Portugues (CPLP) ba edisaun XII iha 2024.
Ministru Nelyo informasi, iha dia 30 de Novembro Ministru reprezenta estadu reuniaun Konsellu Ministru Joventude Despotu pais CPLP sira iha ne’eba sira diskusaun lubuk ida aleinde kontribuisaun balu hosi area Desportu no Joventude i aumezmu tempu koalia mos konaba jogus despotivas pais CPLP ninian ne’ebe kada membru sira ne’e hola parte iha laran i direitus ba kada pais membru sira ne’e atu sa’i uma nain.
Govenate ne’e informa, iha oportunidade ne’e ba reforsa fali tinan uluk tanba COVID-19 Timor Leste la konsege sa’i uma nain ba jogus CPLP. Buat sira ne’e hotu tiha iha ne’eba sira husu fali oinsa Timor Leste bele kontinua fali atu sa’i uma nain ka lae? tanba uniku pais ne’ebe mak seidauk sa’i uma nain ne’e Timor Leste.
“Entaun ho kondisoens sira ne’ebe ita iha ho infrestuturas ne’ebe ita iha, ita laos atu simu deit maibe ita dehan katak ami enprinsipiu ami prontu atu sa’i uma nain iha kualker tempu deit, se bele atu estende tan ba tinan sira tolu ou haat liu mai mos ami prontu hela, maibe tanba sira haree katak tinan besik ona i sira husu dehan katak nusa tinan oin ka 2024 ba Timor Leste bele sa’i Uma nain ha’u rasik hatete katak Lae 2024 ami seidauk bele, fo tempu tan ami halo perparasaun Despois 2025 mak submete atu sa’i uma nain ba jogus CPLP” informa MJDAK Nelyo Isac Sarmento ba jornalista sira iha bebora Dili Tersa (12/12/2023).
“Portantu ida ne’e mak ita ba iha ne’eba halo kompromisiu i tinan oin ita servisu atu halo perparasaun no mos sosializasaun publikasaun ba 2025 ita atu sa’i uma nain ba jogus CPLP” Minstru afirma.
Ministru informa, Tinan oin Agora orsamentu komesa lao hela ita komesa hakas aan para 2024 ne’e ita fokus servisu ba kria kondisoens ba sa’i uma nain tanba priemeiru Ministru mos hatene konaba Timor Leste nia protidaun sa’i uma nain ne’e.
Entretantu jogus CPLP ne’e sei partisipa hosi Angola, Cabu Verde, Guine Bisau, Guinne Equatorial, Mosambique São, Tome Principe, no Timor Leste rasik.
JHD
