Dili–Federasaun Futebol Timor-Leste (FFTL) liu hosi komite eleitotal ofisialmente anunsia ona kandidatu prezidente FFTL ba periode 2024-2026.
Iha loron 10 fulan Janeiro tinan 2024 Federasaun Futebol Timor-Leste (FFTL) sei realiza Kongresu extraoridinariu ba dala IX hodi hili prezidente FFTL no membru komite ezekutivu ba periode 2024-2026.
Dalan ba kongresu extraoridinariu ne’e membru asosiasaun futebol sira propoin ona kandidatura nain rua mak hanesan Nilton Gusmao do Santos no mos eis Prezidente FFTL Francisco Kalbuadi Lay ne’ebe mak nuudar pioneiru ba Liga Futebol iha Timor Leste hahu ho LFA too tranforma ba LFTL.
Tuir prezidente komite eleitotal Querubin Jong Ferreira, lista ba kandidatura prezidente no membru ezekutivu bazeia verifikasaun ne’ebe mak komite eleitoral hala’o ba submisaun kandidatura ba kargu prezidente no membru komite ezekutivu ho rezultadu verifikasaun mak hanesan tuir mai ne’e.
Ba kargu prezidente Francisco Kalbuadi Lay, pasa segundu Nilton Telmo Gusmao do Santos rezultadu pasa no mos ba kargu membru ezekutivu ne’ebe kompostu hosi ema nain 3 Augusto Henrique pasa, Cosme Sarmento mak la pasa terseiru Domingos Goveia Moniz pasa.
“Ho nune’e komite eleitotal deside primeiru kandidatura ba kargu prezidente FFTL Francisco Kalbuadi Lay no Nilton Telmo Gusmao do Santos” Informa prezidente Komite eleitoral FFTL Querubin Jong Ferreira ba jornalista sira iha liu hosi konferensia imprensa iha FFTL formoza Dili, Segunda (11/12/2023).
Nia informa, Ba kargu ezekutivusei kompete hosi Augusto Henrique no Domingos Goveia Moiz.
Iha fatin hanesan vise prezidente komisaun eleitotal Olivio Baros, Explika, hosi kandidatura nain rua ne’e komite eleitotal fo ona loron tolu hahu hosi loron 5 to’o 8 fulan dezembru tuir kodigo eleitotal FFTL ba membru asosiasaun sira atu halo reklamasaun maibe to’o termina komite eleitotal la simu reklamasaun ruma hosi asosiasaun futebol sira.
“Loos duni tuir estatutu FFTL no kodigo eleitotal FFTL kandidatu sira ne’ebe submete ona sira nia kandidatura atu mai konkore iha pozisaun saida siada ne’e hafoin verifika sira nia dokumentu ho buat sira ne’e hotu ita iha prazu loron tolu nia laran hosi parte sira ne’ebe mak karik la konkorda ho aprezentasaun kandidatura sira ne’e bele halo reklamasaun ba iha kandidatu sira ne’e nia aprezentasaun kandidatura maibe hosi kazu ne’e situasaun ita nia foin lalais depois de ita halo anunisu atu simu inskrisaun ba kandidatura sira ne’ebe mak atu konkore iha pozisaun sira ohin temi dadaun ne’e periodu loron tolu ne’ebe ita fo ba iha entidade sira para atu fo membru asosiasaun hosi FFTL atu perpara sira nia reklamasaun ruma ita la rejistu ate nia prazu ita fo termina” dehan vise prezidente komisaun eleitotal Olivio Baros.
Entertantu asosiasaun sira ne’ebé mak iha direitu atu vota iha kongresu extraoridinariu ne’e hamutuk 21 mak hanesan, Asosiasaun Futeból Dili Leste, Díli Oeste, Manufahi, Manatuto, Baucau, Lautém, Viqueque, Ermera, Likisa, Bobonaro, Covalima, Aileu, Ainaro, Oe-cusse, Asosiasaun Arbitragem, Asosiasaun Treinador, Asosiasaun Futsal, Asosiasaun Futeból Feto, Asosiasaun Juvenil, Kampiaun Primeiru Divizaun Karketu Díli FC no kampiaun segunda divizaun DIT FC.
JHD
