DILI — Auto golu hosi Claudio Fera iha adisional time trava As Marca hodi ukun tabela klasifikasaun segunda divizaun Liga Timorense, hafoin empata ho DIT Fc score 1-1
Jogu kontinuasaun Liga Timorense Segunda divizaun jornada datoluk entre ekipa As Marca kontra DIT Fc ne’ebe mak hala’o iha Estadion Munisipal Dili sabadu,(18/03)
Ekipa rua ne’e desde inisiu hotu hotu ambisaun hodi rekoila pontus tolu hodi bele ukun tabela klasifikasaun Liga Timorense Segunda divizaun refere ho nune’e desde inisiu ekipa rua tenta lansa kontra atake ne’ebe makas liu hosi tekniku no tatiku ida idak nian maibe esforsu hirak ne’ebe mak ekipa rua halo seidauk bele produs sa’i golu ho nune’e to’o termina jogu primeira parte score mantein okulista 0-0.
Kontinua ba segunda parte ekipa rua mantein lansa kontra atake ba malu ho tensi ne’ebe mak aas ho nune’e tama ba iha minutu 82 Octavianus Goncalves susesu fura rede DIT Fc hodi lori nia ekipa As Marca lidera ho score 1-0.
Ho score refere jogu sa’i manas liu tan ba ekipa rua ekipa maibe ekipa DIT Fc ne’ebe mak hatudu jogu ofensivu konsege lansa suta fila fila no As Marca ne’ebe tenta hodi halo defensivu konsege mantein linha defensivu ne’ebe mak solidu maibe tama ba iha adisional time 90+3 Claudio Fraga halo auto golu ho nune’e nune’e score muda aan sai 1-1. No score refere mantein to’o termina jogu segunda parte.
Hosi rezultadu empata ne’e hatuur ekipa DIT Fc mantein ukun iha pozisaun dahuluk ho pontus 7 hosi jogu tolu manan rua no empata ida.
Enkuantu ekipa As Marca mantein iha pozisaun daruak ho pontus 7 hanesan ho DIT hosi jogu tolu manan rua no empata ida maibe DIT Fc mak ukun tanba liu As Marca ho produtividade golu.
DVO
