DILI– Klubu promovidu Emmanuel Fc susesu rekolla pontus tolu hafoin lulun nia adversariu Academica Fc ho score 4-0 iha jogu kontinuasaun Liga Timorense priemeira divizaun mak hala’o iha Estadion Munisipal Dili, sabadu (01/04).
Iha inisiu jogu ekipa rua hotu hotu hatudu jogu diak hodi lansa kontra atake ba malu maibe ekipa Emmanuel Fc ne’ebe mak hatudu ritmu jogu ho diak konsege domina liu bola ho nune’e tama ba iha minutu 5 Juvito Moniz susesu fura rede Academica Fc hodi muda score ba 1-0.
Futebolista ho numeru kamizola 3 ne’e marka golu hafoin hetan bola barulu iha area grandeal Academica Fc nian.
Ho golu ne’e jogu komesa manas liu tan no tama ba iha minutu 7 Damainos putra halo ameasa ba rede Emmanuel Fc maibe seidauk bele kona iha tarjetu.
No tama ba iha minutu 10 Emmanuel halo fila fali ameasa ba Academica Fc liu hosi jogador Sandro Quintao maibe bola ne’ebe mak nia suta seidauk kona iha alvu.
Tama ba iha minutu 11 Academica Fc halo atake hikas ba Emmanuel Fc maibe defeza hosi Emmanuel Fc Juvito Moniz hamonu Damainos Putra ho nunee arbitu hasai kartaun kinor ba Juvito Moniz.
No tama ba iha minutu 12 Academica Fc halo tan ameasa ba Emmanuel Fc liu hosi jogador Alexandre Da Cruz, maibe seidauk bele rezulta golu.
No tama ba iha minutu 13 Academica halo fila fali tan ameasa ba rede Emmanuel Fc liu hosi jogador Damianus Putra maibe sei bele antisipa hosi guarda rede Emmanuel Fc.
Emmanuel Fc halo ameasa fila fali ba rede Academica Fc liu hosi jogador Edit Savio, iha minutu 18 maibe sei bele antisipa hosi guarda rede Academica Fc.
No tama ba iha minutu 32 Damianus Putra halo tan ameasa dala ida maibe bola ne’ebe mak nia suta semo aas liu.
Tama ba iha minutu 36 Emmanuel Fc hasae tan score ba 2-0 liu hosi jogador Mario Quintaon.
Futebolista ho numeru kamizola 11 ne’e fura rede Academica hafoin hetan bola barulu iha area grandeal Academica Fc nia.
Ho golu ne’e ekipa rua mantein lansa kontra atake ba malu Maibe to’o termina jogu primeira parte ekipa Emmanuel Fc mantein lidera ho score 2-0.
Kontinua ba jogu segunda parte tensi jogu komesa aas liu tan ba ekipa rua no tama ba iha minutu 53 Emmanuel Fc halo ameasa ba Academica Fc liu hosi asaun Mario Quintao maibe bola ne’ebe mak nia suta seidauk kona iha alvu.
No tama ba iha minutu 56 kapitaun ekipa Emmanuel Fc Jefrino Nehu, susesu fura rede Academica Fc hodi haboot liu tan score ba 3-0.
Futebolista ho numeru kamizola 12 ne’e marka golu hafoin hatudu nia asaun hodi ultrapasa ba defeza hafoin fura marka nia naran iha tabela score.
Tama ba iha minutu 60 rede Academica nakodoko hikas hafoin Sandro Quintao aproveita bola barulu hodi marka golu maibe golu ne’e anula tanba jogador refere iha ona pozisaun offside.
Emmanuel Fc kontinua fo presaun nafatin no tama ba iha minutu 62 Emmanuel Fc ameasa tan rede Academica liu hosi jogador Joao De Sousa, maibe sei bele blokeia hosi defeza, no bola kontinua barulu iha area grandeal Academica Fc no tama ba iha minutu 63 Emmanuel Fc lansa tan ameasa ba rede Academica Fc dala rua tuir malu liu hosi Fretelino Dos Santos, no aproveita tan hosi Mario Quintao maibe sei bele antisipa hosi guarda rede nune’e la rezulta golu.
Emmanuel Fc haboot liu tan score ba 4-0 iha minutu 78 liu hosi jogador Edit Savio. Avansadu ho numeru kamizola 10 ne’e fura rede Academica Fc hafoin simu assitensia bola kruza hosi nia kompatriota nomor Fretelino Dos Santos.
Ho score refere halo ekipa Emmanuel Fc domina liu tan bola maibe to’o termina jogu segunda parte score mantein 4-0 vitoria ba Emmanuel Fc.
Hosi rezultadu vitoria ne’e hatuur ekipa Emmanuel Fc iha pozisaun 3 ho pontus 9 hosi jogu dala 6 manan dala toluno derota dala tolu.
Enkuantu ekipa Academica Fc iha pozisaun 7 ho pontus lima hosi jogu dala neen manan dala ida, empata dala rua no derota dala tolu.
DVO
