DILI– Treinador Academica Fc Luzinho dos Santos hatete, nia ekipa sofre derota ho adversariu Emmanuel Fc ho score 4-0 tanba jogador sira la tuir tatika ne’ebe mak nia orienta.
Academica Fc sofre derota ho score 4-0 iha jogu kontinuasaun primeira divizaun Liga Timorense jornada 6.
Golu vitoria hosi ekipa Academica Fc produs hosi (Juvito Moniz) iha Minutu (5), (Mario Quintao) iha minutu (36), (Zeferino Nheu) iha minutu (56), no (Edit Savio) iha minutu (78).
Hafoin remata jogu Treinador Academica Fc Luzinho dos Santos, rekonese iha falla barak ne’ebe mak nia ekipa halo tanba la tuir estratejia ne’ebe mak nia orienta.
“Jogu ida ohin failansu barak ne’ebe mak jogador sira halo, jogador sira labele joga tuir ha’u nia hakarak formasi ne’ebe mak ha’u monta ita hakarak dehan joga tuir hanesan ne’e maibe ikus jogador la iha konsentrasi ba ha’u nia formasaun ne’ebe mak ha’u iha”
Treinador informa, ho derota ne’ebe mak nia ekipa hetan iha jogu ne’e sei hadia diak liu tan ba iha jogu tuir mai hodi bele hadia pozisaun iha tabela klasifikasaun Liga Timorense.
Iha fatin hanesan asistente treinador klubu Emmanuel Fc, Van Basten, agardese ba Nia ekipa maske kondisaun kampu ladun diak maibe nia ekipa bele rekolla pontus tolu importante tanba Emmanuel Fc hela deit jogu rua no persija pontus ida hodi bele asegura pozisaun hodi mantein iha primeira divizaun.
Hosi rezultadu vitoria ne’ebe mak ekipa Emmanuel Fc Rekolla ne’e hatuur ekipa Emmanuel Fc iha pozisaun 3 ho pontus 9 hosi jogu dala neen manan dala tolu no derota dala tolu.
Enkuantu ekipa Academica Fc okupa iha pozisaun 7 ho pontus ho pontus, lima hosi jogu dala neen manan dala ida empata dala rua no derota dala tolu.
DVO
