DILI— Atleta Kontijente Timor Leste hosi modalidade karate-do, liu hosi nia atleta Deonisio Quefi, no Jacob Manuel susesu konkista medaila osan metan rua iha Sea games Kambodia 2023.
Tuir Treinador Nasional Modalidade Karate-do Timor Leste Andreas Quefi hatete atleta nain 2 ne’ebe mak konkista medala 2 ne’e mak Dionísio Quefi no mos Jacob Manuel.
Nia explika, atleta Dioniso konkista Medalha hafoin joga kontra atleta husi nasaun Brunei ho rezultadu 2-1.
“Ita nia atleta Jacob mos konkista medalha ida tanba Joga hetan Refle Chang entaun nia lakon Pois hadau juara tiga hamutuk ho atleta husi nasaun Philipina, menan 1-0, husi rezultadu nee ita nia atleta nee hetan treseira lugar” dehan Treinador ne’e ba JHD Via Whatsapp Segunda (08/05/2023).
Nia hatete, nuudar treinador Senti orgullu tanba foin primeira vez nia parte lori atleta partisipa iha eventu sea games hetan prestasaun tanba durante tinan 13 nia laran Karate-do nia pretasaun tun, tanba nee mak agora hatudu ho rezultadu neebe mak maximu ba Timor no Povu sira.
“Nafatin orgullu tanba oferese medalha osan metan rua ba rai doben, neebe ba oin sei hadia diak liu tan iha futuru“katak nia.
Nunee mos Atleta Medalhadu Dinisio Quefi sente orgullu tanba bele ofrese medalha ba Timor Leste.
“Hau Sente haksolok tebes tanba bo grasa Maromak nian hau bele oferese medalha ba hau nia rai doben Timor leste, maske ho preparasaun nebe minimu liu maibe ami hetan Rezultadu nebe diak” Nia hakotu.
Entretantu Atleta Deonisio Quefi joga iha klase 67 kg no Jacob Manuel 75 kg.
Sea games ba edisaun 32 iha Kambodia tinan ne’e Karate-do partisipa ho atleta nain tolu.
JHD
