DILI– Federasaun Taikondow Timor Leste susesu konkista Medalla osan metan haat (4) iha jogu sudeste aziatiku (Sea Games) ba edisaun 32 Kambodia 2023.
Informasaun ne’e hato’o hosi Treinador Timoroan Federasaun Taikondow Timor Leste, Mateus Soares ba JHD via WhatsApp Domingu (14/05/2023).
“Medalla osan metan 4 ne’ebe atleta nain haat hetan iha Sea games Kambodia 2023 ne’e atleta nain rua (Claudio J. Mousaco ho Imbrolia Amurin) langsung joga iha semifinal mak hetan Medalla Osan metan rua, No atleta Ana halakon atleta uma iha 4 finais ho skor 2 – 0, no hakat ba Semifinal hasoru atleta Thailandia lakon ho skor 2 – 1 mak hetan Medalla Osan metan, Atleta Cerilio mos hafoin halakon atleta husi Laos ho skor 2 – 0, hakat ba Semifinal lakon ho Atleta Thailand ho skor 2-0. Ida ne’e mak rezultadu husi Modalidade Taekwondo iha sea games Kambodia 2023” explika Treinador Mateus Soares.
Ho prestasaun ne’ebe mak atelta modalidade Taikondow hatudu iha sea games Kambodia 2023 ne’e hodi konkista Medalla osan metan 4 ne’e Treinador ne’e hatete “ha’u senti orgullu ba rezultadu ne’e liu husi prestasaun ne’ebe sira hetan bele tane as fali prestasaun Taekwondo iha sea Games ne’ebe iha Tinan kotuk monu”.
Atelta nain haat ne’e Ana da costa kompete iha klase 46kg, Cerilio Lein 58kg, Imbrolia Amorin 62kg, no Claudio J. Mousaco kompete iha klase 87kg.
Ikus Liu Treinador ne’e mos fo obrigado ba suporta tomak hosi maluk Timoroan hotu ne’ebe mak sempre apoiu ami husi preparasaun to’o kompete iha Sea games. Lahaluha mos ba Komando polisia Militar, Estadu, CDTL, CONTL no parseiru sira hotu ne’ebe fo apoio ona ami Agradese ba rezultado ne’e tamba imi hotu nia suport.
Sea games Kambodia 2023 ne’e modalidade Taikondow partisipa ho nia atelta hamutuk nain 6 kompostu hosi feto tolu no Mane tolu no atelta hirak ne’e kompete iha klase ne’ebe mak diferente, Jose da costa 54kg, Teresa Lein 49kg, Ana da costa 46kg, Cerilio Lein 58kg, Imbrolia Amorin 62kg, no Claudio J. Mousaco kompete iha klase 87kg.
Hosi rezultadu Medalla haat ne’ebe mak oferese hosi modalidade Taikondow ne’e Timor Leste koileta ona medalla hamutuk ualu (8) iha tabela klasifikasaun.
JHD
