DILI — Klubu futebol primeira divizaun hosi nasaun Kambodia Angkor Tiger FC kontrata ona treinador guarda rede selesaun Nasional Timor Leste Juliao Montero atu treina klubu refere durante epoka 2023-2024.
“Sim ha’u kontratu to’o tinan ida, ha’u hnesan treinador goal kiper (GK), senti kontenti tanba bele hetan fiar husi clubu Angkor Tiger FC” dehan Treinador Juliao Montero ba JHD via WhatsApp Domingu (14/05/2023).
Nia explika, ho experensia ne’ebe mak Treinador Timoroan ne’e iha durante hamutuk ho ekipa selesaun nasional nia iha esperansa sei halo buat di’ak no sai ekipa ne’ebe forte iha Kambodia e bele sai kampiaun iha liga Kambodia
“Hosi experensia ne’ebe ha’u iha durante ha’u hamutuk ho ekipa selesaun nasional, ha’u nia esperansa sei halo buat di’ak no sai ekipa ne’ebe forte iha Kambodia e bele sai kampiaun iha liga Kambodia” tenik nia.
Nia informa, Klubu Angkor Tiger FC sei hahu treinu iha fulan junhu maibe baliza sira komesa treinu iha semana oin.
Nia dehan, Liga kambodia sei hahu iha fulan agustus tinan ne’e.
Juliao Montero hahu kareira nuudar treinador iha tinan 2015 iha klubu segunda divizaun Nagarjdo Fc hnesan Head coach, aleinde ne’e mos iha parte balun mos nia hanesan treinador baliza iha centro futebol nian.
Sa’i hosi Nagardjo Treinador ne’e ba kedas iha priemeira divizaun LFA, hamutuk ho ekipa Ponta Leste hanesan GK coach.
Iha tinan 2017 Juliao Montero kontinua hala’o kareira hanesan GK coach ho ekipa zigante Karketu Dili Fc.
Iha tinan 2019 Juliao Montero ba fila fali iha Klubu AD SLB hansan GK coach to’o tinan 2021, no iha tinan 2023 ne’e posisaun hanesn Headcoach SLB.
JHD
