DILI– Tanba la rejista jogador iha federasaun futebol Timor Leste (FFTL) Asosiasaun Futebol Munispiu tolu sei la partisipa iha kompetisaun Taca FFTL Telkomcel Cup Sub-17.
“Asosiasaun tolu ne’ebe mak la partisipa ne’e mak ida mak Dili Leste, Asosiasaun Futebol Munispiu Ainaru, no Asosiasaun Futebol Munispiu Lautem tanba sira la rejista jogador ” Informa prezidente FFTL Francisco Jeronimo ba jornalista iha FFTL tersa (23/05/2023).
Tanba ne’e eventu Taxa FFTL Telkomcel Cup U-17 ne’e sei partisipa deit hosi Asosiasaun Futebol Munispiu 11 mak hanesan Asosiasaun Dili Weste, Asosiasaun Manatutu, Baucau, Viqueque, Ermera, Kovalima, Liquica, Manufahi, Bobonaro, Aileu no Oe-Cusse.
Tuir Kalendariu kompetisaun refere sei hahu iha fulan junnu tinan ne’e, eventu Taxa FFTL Telkomcel Cup U-17 refere sei hahu hosi nivel munispiu hodi halo selesaun hodi kontinua ba iha nivel rejional hafoin mai iha nasional.
JHD
