Dili — Avansadu Selesaun nasional Timor Leste Elias Mesquita kontinua hatudu ninia “kroat” hamutuk ho nia klubu foun Kota Ranger Fc hafoin marka tan golu ida hodi lori nia ekipa halakon adversariu KB FC ho score 2-0.
Hala’o jogu iha Kompleks sukan tutong, Kuarta (03/06/2023) kontra KB Fc ne’e jogador Timoroan Elias Mesquita ho numeru kamizola 7 ne’ebe mak hetan fiar hodi starter konsege hatudu performa berliante iha kampu.
Tama ba iha minutu 21 jogador Timoroan ne’e susesu halo publiku kota Ranger Fc haklalak liu hosi nia asaun suta livre ne’ebe mak tama direta ba rede laran hodi lori nia ekipa lidera ho score 1-0 to’o termina jogu primeira parte.
Kontinua ba jogu segunda parte ekipa rua ne’e mantein lansa kontra atake ba malu no tama ba iha minutu 90 Nasif Safwan susesu fura rede KB FC hodi haboot score ba 2-0 to’o termina jogu segunda parte vitoria ba Kota Ranger Fc.
Elias Mesquita foin mak asina kontratu ho klubu priemeira divizaun Kota Ranger Fc iha foin lalais ne’e.
Eis jogador Lalenok United no Assalam Fc ne’e foin hala’o jogu dala tolu hamutuk ho klubu kota Ranger Fc.
Hosi jogu dala tolu ne’e jogador origen hosi munispiu Baucau ne’e susesu marka ona golu haat.
Iha debut dahuluk kontra Kasuka Fc, Elias Mesquita susesu marka golu rua, no iha jogu daruak kontra Setia Perdana Fc marka golu ida no iha jogu ikus marka Tan golu ida.
Antes ne’e Elias Mesquita uza kamzola ho numeru 9 maibe ho prestasaun ne’ebe mak nia hatudu konsege hetan fiar hodi uza numeru kamizola 7 hamutuk ho kota Ranger Fc.
JHD
