Dili– Ekipa Femenina hosi Ministeriu Agricultura no Peskas (MAP), susesu hakat ain ba faze eliminasaun 8 finais jogu BNCTL Cup 2023, hafoin festa golu ba adversariu Grupu Media Nasional (GMN) ho score 9-2, iha faze eliminasaun 16 finais ne’ebe mak hala’o iha kampu multifunsaun Bebora Dili Tersa (27/06).
Desde inisiu jogu ekipa MAP domina liu bola hodi lansa suta fila fila ba rede adversariu GMN ho nune’e to’o termina jogu primeira parte ekipa MAP susesu produs golu neen.
No ekipa GMN ne’ebe mak ladun hetan konsege responde deit golu ida priemeira parte ho iha primeira parte ekipa MAP lidera ho score 6-1.
Kontinua ba jogu segunda parte ekipa MAP kontinua domina liu bola hodi lansa presaun makas ba GMN maibe guarda defensivu hosi ekipa GMN konsege halo mudansa ba tatika ho nune’e iha segunda parte ekipa MAP produs deit golu tolu.
Enkuantu ekipa GMN kontinua marka tan golu ida ho nune’e to’o termina jogu segunda parte vitoria ba ekipa MAP ho score 9-2.
Golu vitoria hosi MAP produs hosi Evilla neen, no Domingas golu rua. Enkuantu golu hosi ekipa GMN marka hosi Leticia, no Emereciana iha minutu krusial.
Entertantu jogu BNCTL cup 2023 nee organiza hosi Joventude Hadomi Despotu (JHD) ho objetivu atu selebra aniversariu BNCTL nian ba dala 12
JHD
