Dili– Jogu kontinuasaun faze eliminasaun 16 finais jogu BNCTL Cup 2023, ekipa futsal mane hosi Sekretariu estadu formasaun profesional no empregu (Sefope) “tidin” nia adversariu Mapkoms ho score fantastiku 12-1.
Hala’o jogu iha kampu multifunsaun Bebora Dili, Tersa, (28/06), desde inisiu jogu ekipa Sefoope domina liu bola hodi lansa presaun makas ba ekipa adversariu Mapkoms ho nune’e to’o termina jogu primeira parte ekipa Sefoope susesu produs golu 7.
Enkuantu atake ne’ebe mak lansa hosi ekipa Mapkoms guarda defensivu hosi ekipa Sefoope la fo fatin ba sira hodi produs golu ho nune’e to’o termina jogu primeira parte ekipa Sefoope lidera ho score 7-0.
Kontinua ba jogu segunda parte tensi jogu komesa manas liu tan ba ekipa rua ne’e no ekipa Mapkoms ne’ebe mak sofre golu hitu iha priemeira parte konsege responde golu ida iha segunda parte.
Enkuantu ekipa Sefoope kontinua produs tan golu lima hodi ho nune’e to’o termina jogu segunda parte vitoria ba Sefoope ho score 12-1.
Ho rezultadu vitoria ne’e lori ekipa Sefoope hakat ba faze 8 finais BNCTL Cup 2023, Enkuantu ekipa Mapkoms obrigado tenke elimina hosi jogu rafere tanba jogu 16 finais ne’e ho sistema Knock Out ka lakon sa’i.
Entertantu jogu BNCTL cup 2023 nee organiza hosi Joventude Hadomi Despotu (JHD) ho objetivu atu selebra aniversariu banku nasional Timor Leste ( BNCTL) nian ba dala 12.
JHD
