DILI– Ekipa futsal femenina hosi Timor Gap susesu hakat ba 8 finais jogu BNCTL Cup 2023, hafoin halakon nia adversariu Sekretariu Estadu Coperativa (SECOOP) ho score mihis 2-1.iha Faze eliminasaun 16 finais ne’ebe mak realiza iha kampu multifunsaun Bebora Dili Kuarta (28/06).
Iha inisiu jogu ekipa rua ne’e hala’o jogu Kuidadu tebes liu hosi hametin linha defensivu maibe tama ba iha minutu 4 ekipa ekipa SECOOP hetan oportunidade hodi produs golu liu hosi suta penaltu.
No jogador Sandra ne’ebe mak sa’i ezekutor ba penaltu refere susesu fura rede Timor Gap hodi muda score sa’i 1-0.
Ho score refere obriga ekipa Timor Gap sa’i hosi fatin ho nune’e ekipa rua lansa presaun makas ba malu hodi buka oportunidade atu produs golu maibe score refere dura to’o termina jogu primeira parte ekipa SECOOP lidera ho score 1-0.
Kontinua ba jogu segunda parte intensidade jogu komesa manas liu tan ba ekipa rua ne’e hodi lansa kontra atake ba malu maibe ekipa Timor Gap ne’ebe mak sofre uluk golu desde primeira parte konsege responde golu ida hodi halo balansu ba score sa’i 1-1 liu hosi asaun Chandra iha minutu 27.
No tama ba iha minutu 29 ekipa Timor Gap produs tan golu ida liu hosi asaun Mirla hodi hatuur score ba 2-1 rezultadu ne’e mantein to’o termina jogu segunda parte.
Vitoria ba ekipa Timor Gap hodi hakat ba 8 finais BNCTL Cup 2023 no hakotu jornada ekipa secoop tanba jogu refere ho siatema bota fora ka lakon sa’i.
Entertantu jogu futsal BNCTL Cup 2023 nee organiza hosi Joventude Hadomi Despotu (JHD) ho objetivu atu selebra aniversariu Banku Nasional Timor Leste (BNCTL) nian ba dala 12.
JHD
