DILI — Jogu kontinuasaun faze eliminasaun 16 finais BNCTL Cup 2023, ekipa mane Kaebauk Investimentu Finanseiru derota kontra adversariu Ministeru Cordenador Asuntu Ekonomiku (MCAE) ho score 5-2.
Jogu entre ekipa rua ne’e hala’o iha kampu multifunsaun Bebora Dili, kinta, (29/06). Iha jogu faze knock out ne’e, ekipa rua ne’e tun ho kuidadu tebes hodi lansa kontra atake ba malu maibe ho linha ne’ebe metin.
Maibe ekipa MCAE ne’ebe mak jogu ho fiar aan hodi lansa presaun makas komesa konsege haterus linha defensivu hosi ekipa Kaebauk nune’e iha jogu priemeira parte ekipa MCAE konsege lansa golu rua ba rede Kaebauk.
Enkuantu ekipa Kaebauk Investimentu Finanseriu ne’ebe mak halo defeza metin no aproveita liu hosi kaunter atake konsege responde golu ida ho nune’e to’o termina jogu primeira parte ekipa MCAE lidera ho score 2-1.
Kontinua ba jogu segunda parte ekipa MCAE fiar aan liu tan hodi hasae ritmu jogu hodi lansa kontra atake makas hasoru Kaebauk ho nune’e iha segunda parte ekipa MCAE konsege marka tan golu tolu.
Enkuantu ekipa Kaebauk Investimentu Finanseiru ne’ebe mak mak ladun hetan bola konsege responde tan golu ida ho nune’e to’o termina jogu segunda parte vitoria ba MCAE ho score 5-2.
Hosi rezultadu vitoria ne’e lori ekipa MCAE hakat ba 8 finais jogu BNCTL cup 2023. Enkuantu ekipa Kaebauk Investimentu Finanseiru obrigado tenke elimina iha jogu refere.
JHD
