DILI– Jogu kontinuasaun BNCTL Cup 2023, faze eliminasaun 16 finais ekipa femenina Ministeru Finansas “hurlele” nia adversariu Timor Plaza ho score fantastiku 6-0.
Hala’o jogu iha kampu multifunsaun Bebora Dili, Kinta, (29/06) ekipa femenina ne’ebe mak tun ho ambisaun aas konsege domina liu bola hodi lansa presaun makas ba ekipa adversaiu Timor Plaza tama ba iha minutu 8 ekipa Ministeru Finansas konsege lidera ona ho score 1-0 liu hosi jogador Godelvia.
Ho golu ne’e tensi jogu makas liu tan ho nune’e liu deit minutu ida Godelvia marka tan nia naran hodi lori nia ekipa lidera ho score 2-0.
Ho Score refere jogu sa’i manas liu tan ba ekipa rua ne’e hodi lansa presaun makas ba malu Maibe tama ba iha minutu 14 antes atu termina jogu primeira parte ekipa Ministeru Finansas haboot liu tan score sai 3-0 liu hosi jogador Emiliana.
Kontinua ba jogu segunda parte intensidade jogu komesa manas liu tan ba ekipa rua ne’e hodi lansa kontra atake ba malu no tama ba iha minutu 23 Livania susesu fura rede Timor Plaza hodi hasae score sai 4-0.
No tama ba iha minutu 27 Livania sa’i tan mehi aat ba ekipa Timor Plaza hafoin fura tan rede Timor Plaza hodi hatuur score sa’i 6-0 to’o termina jogu segunda parte vitoria ba Ministeru Finansas.
Hosi rezultadu vitoria ne’e lori ekipa Ministeru Finansas hakat ba 8 finais BNCTL Cup 2023. No ekipa Timor Plaza elimina ona hosi eventu refere.
JHD
