DILI– Asosiasaun Futebol 16 halo ona diskusaun atu hamosu figura foun hodi kompete iha kongresu extraoridinariu Federasaun Futebol Timor-Leste FFTL bá periodu 2023-2027.
“Klaru ita mos perpara ha’u hanoin prezidente asosiasaun balu mos iha ona kapasidade iha seriedade para haree dezenvolvimentu futebol ne’e ba oin mais ne’e ita foin to’o ami atu diskute konaba kongresu extraoridinariu i konaba figura ha’u hanoin barak ne’e la iha problema se mak ba mais agora dadaun ne’e ami fokus hela ba atu halo kongresu extraoridinariu” dehan Portavoz Asosiasaun 16 Hipolito Soares ba jornalista iha nia knaar fatin kampung Alor Dili Tersa (11/01).
“Ita iha Hanoin ita iha diskusaun ona 16 ne’e nia laran iha figura balu ne’ebe ita sei hamosu mais ne’e kuandu sira iha seriedade vontade para halo extraoridinariu ne’e akontese lalais” Nia tenik.
“Ami mos perpara hotu ona jangankan ba figura ami mos perpara orsamentu bainhira federasaun dehan la iha orsamentu ami mos perpara Komisaun Organizadora ba kongresu ne’e rasik tanba estatutu fo dalan i to’o sira tarde atu halo kongresu tuir estatutu ami mak sei realiza ” nia explika
Nia dehan, neste momentu sira fokus lai iha kongresu extraoridinariu klaru katak sira perparadu figura tantu estrutura sira perparadu.
Antes ne’e Asosiasaun Futebol hamutuk 16 halo alteraun ba ajenda kongresu ordináriu FFTL nia ba Dala 8 no propoin kongresu extraoridinariu tanba sira lakon ona konfiansa ba Prezidente Federasaun Futebol Timor-Leste (FFTL) Francisco da Costa Pereira Jeronimo, ne’ebe mak la kumpri promesa sira wainhira eleitu nuudar prezidente FFTL iha fulan Fevreiru 2022.
Enkuantu Kona-ba Kongresu Extraoridinariu sei hein komunikasaun hosi parte ezekutivu FFTL halo ho FIFA hafoin sei anusiu hikas rezultadu ba Asosiasaun sira, no tuir Estatutu FFTL artigu 33, prazu bá Kongresu Estraordináriu perante loron 90 ka fulan tolu nia laran.
Entertantu Asosiasaun sira ne’ebe mak iha direitu partisipa iha kongresu Ordináriu FFTL bá dala ualu ne’e mai husi Asosiasaun Futebol husi Munisipiu hamutuk 14 inklui RAEOA, Asosiasaun Arbitrajen, Asosiasaun Futebol Femenino, Asosiasaun Treinadór, Asosiaun Sentru Juveníl, Asosiasaun Futsal, Kampeaun segundu divizaun (DIT Fc) ho Kampeaun primeira Divizaun (Karketu Díli Fc) epoka 2022.
JHD
