DILI– Ministru Juventude Despotu Arte no Kultura (MJDAK), Nelio Isac Sarmento, hatete, Govenu anterior la tau orsamentu ba Asean Games fo todan ba nia maibe garante kontijente Timor Leste sei partisipa iha Asean Games iha Guangzhou China.
Tinan ne’e Timor Leste sei partisipa iha eventu Despotivu Asean Games 2022 Guangzhou China, maibe governu anterior la tau orsamentu ba eventu refere sa’i difikuldade boot ba nono govenu konstitusional.
Eventu desportiva nivel altu ne’ebe mak realiza kada tinan 4 dala ida ne’e sei partisipa hosi nasaun hamatuk 45 no sei kompete ba modalidade hamatuk 40.
“Asian Games neste momentu ha’u koalia ba ita boot governu anterior la tau orsamentu ba Asean Games no mos Paralimpic games ne’e mos todan ida ba ha’u atu oinsa para bele buka” dehan Ministru Juventude Despotu Arte no Kultura (MJDAK) Nelio Isac Sarmento ba Jornalista sira hafoin obsera konstrusaun Kampu Futebol Becora Dili, Kinta (13/07).
“Tanba hela deit fulan hira ona sira ba Guangzhou China ita hein deit maibe ha’u fiar katak sira sei aranka ha’u fiar katak kontijente Timor Leste sei ba partisipa iha Asean Games” dehan Ministru Nelio.
Nia explika, Bele uza orsamentu reatifikativu para kompleta maibe bele garante katak sira bele partisipa.
Entertantu Asean Games ba edisaun XIX iha Guangzhou China ne’e sei abertura iha loron 23 fulan setembru to’o 8 outubru tinan 2023.
Antes ne’e iha loron 11 fulan jullu ne’e Konfederasaun Desportu Timor-Leste (CDTL) hala’o ona enkontru ho Federasaun sira ne’ebe mak sei tuir Kompetisaun Asian Games no iha enkontru ne’e desidi ona Federasaun sia (9) mak sei reprezenta Timor Leste.
Modalidade 9 ne’e mak hanesan, Federação Atletismo, Federação Tiru Timor-Leste, Federação Volley Timor-Leste, Federação Badminton Timor-Leste, Federação Taekwondo Timor-Leste, Federação Karate-Do Timor-Leste, Federação Boxe Timor-Leste, Federação FACHUPTIL, no Federação Natasaun Timor-Leste.
JHD
