DILI– Prezidente Federasaun Taekwondow Timor Leste (FTTL), Gabriel Da Costa, informa, FTTL halo ona selesaun ba atelta nain 4 kompostu hosi Feto rua no Mane rua hodi reprezenta Timor Leste ba kompete iha Asean Games ba edisaun XIX iha Guangzhou China.
Asean Games 2023 iha Guangzhou China ne’ebe mak sei abertura iha loron 23 fulan setembru ne’e Timor Leste mos sei partisipa ho modalidade desportiva hamutuk sia mak hanesan Federação Atletismo, Federação Tiru Timor-Leste, Federação Volley Timor-Leste, Federação Badminton Timor-Leste, Federação Taekwondo Timor-Leste, Federação Karate-do Timor-Leste, Federação Boxe Timor-Leste, Federação FACHUPTIL, no Federação Natasaun Timor-Leste.
Haree ba eventu ne’ebe mak besik dadaun ona Federasaun Taekwondow Timor Leste (FTTL) hahu halo ona selesaun nasional no Atleta nain 4 mak selesionadu ona hodi reprezenta Timor Leste ba kompete iha eventu refere.
“Atleta ne’ebe mak sei kompete ne’e Atleta Ana da Costa sei kompete iha klase 49 kg, Teresa Semoi Do Rego Lein klase 53kg atleta mane ne’e mak Cerilio Do Rego Cruz Lein sei kompete iha klase 53 kg, no Jose da Costa Silva sei kompete iha sei kompete iha klase 63 kg” dehan prezidente FTTL Gabriel Da Costa ba jornalista sira iha edifisiu FTTL kaikoli Dili, Sexta (14/07).
Nia informa, modalidade Taekondow durante ne’e tinan hira liu ba kotuk partisipa iha sea Games fila mai kontinua nafatin ba atleta sira no mos ba hamutuk ho Treinador ekipa nasional sira kontinua halo atividade treinu ate adata too iha semana kotuk ami halo ona selesaun ba atleta nain 6 feto 3 no mane 3 tuir klase ne’ebe mak iha maibe tanba horibainrua enkontru ho prezidente CDTL Macario Sanchez informa katak modalidade Taikondow hetan deit atleta nain 4 ba partisipa iha Asian games iha tinan ne’e.
“Ohin loron ikus tenke submete lista ba CDTL no mos CONTL tanba ne’e mak horiklan modalidade Taikondow halo selesaun ba atleta under klase 53 kg no 63 i konsge hetan ona atleta nain 2 hamutuk ho atleta ida antes halo Selsaun Feto rua no Mane rua ne’ebe sei partisipa iha eventu Asian games iha tinan ne’e” tenik nia
Nia haktuir, iha enkontru ho CDTL atleta sira sei la ba iha kazerna tanba situasaun governu foin mak hahu entaun tempu ne’e limitadu tebes. Maibe CDTL sei apoiu alimentar sira liu-liu iha fulan agustu to’o dia 18 de setembru tempu ne’ebe mak atleta sira aranka ba China.
Nia afirma, atleta sira ne’e priense kriteria tanba sira mai hosi sira nia klubu Federasaun halo eventu jogus sira manan iha sira nia klubu entaun federasaun bolu sira, antes ne’e sira sempre juara ne’e mak federasaun foti akomula iha ekipa nasional
“Sira nain 4 ne’e laos foin ba jogu internasional sira esperensia barak ona ba jogu internasional Asean Games no sea games mos partispa enatun ida ne’e ita fiar katak jogus Taikondow ne’ebe mak kada tinan sempre iha mudansa ne’e sira bele adapata atleta nain 4 ne’ebe mak agora selesionadu atu ba ne’e hatne ona” nia hakotu.
JHD
