DILI– Atleta Nasional hosi Federasaun Taekwondow Timor Leste (FTTL) prontu kompete iha Asean Games edisaun XIX, ne’ebe mak sei realiza iha Guanzhou China 2023.
Iha fulan setembru ne’e Timor Leste sei partisipa iha eventu internasional Asean Games 2022, ne’ebe mak sei realiza iha sidade Guanzhou China, no sei kompete hosi nasaun hamatuk 45 inklui Timor Leste rasik.
Eventu ne’ebe mak realiza kada tinan 4 dala ne’e Timor Leste sei partisipa ho nia modalidade desportiva hamutuk sia (9) mak hanesan Federação Atletismo, Federação Tiru Timor-Leste, Federação Volley Timor-Leste, Federação Badminton Timor-Leste, Federação Karate-do Timor-Leste, Federação Boxe Timor-Leste, Federação FACHUPTIL, Federação Natasaun Timor-Leste no mos Federação Taekwondo Timor-Leste.
Hosi modalidade Taikondow Timor Leste ne’ebe mak sei partisipa iha eventu ne’e komesa perpara ona atleta nain 4 kompostu hosi mane rua no feto rua mak hanesan atleta Ana da Costa sei kompete iha klase 49 kg, Teresa Semoi Do Rego Lein klase 53kg atleta mane ne’e mak Cerilio Do Rego Cruz Lein sei kompete iha klase 53 kg, no Jose da Costa Silva sei kompete iha klase 63 kg.
Iha entervista ho atleta selesaun nasional Teresa Semoi Do Rego Lein, espresa sentimentu kontente tanba bele reprezenta Timor Leste no promete sei hatudu jogu ne’ebe diak iha eventu Asean Games refere.
“Ha’u sente orgullu tanba bele reprezenta Timor Leste hodi kompete iha Asean Games, ami komesa perpara ona iha fulan kotuk loron ida hala’o treinu dala rua dader no lokraik, ha’u iha esperansa hakarak hatudu jogu ne’ebe diak iha Asean Games ne’e” dehan Teresa Semoi Do Rego Lein ba jornalista sira iha Ginazio Despotu Dili (GDD), Domingu, (16/07).
Tereza afirama tan katak, antes ne’e nia mos kompete iha eventu Sea Games 2022 iha Kambodia.
“Ha’u iha esperansa boot atu hatudu jogu ne’ebe diak maibe la promete atu konkista medalla maibe sei esforsu makas” nia hakotu.
Iha fatin hanesan atleta Cerilio Do Rego Cruz Lein, kompromete sei esforsu masimu hodi bele hetan rezultadu diak hodi bele hamorin Timor Leste nia naran.
“Durante perparasaun mais ou Menus fulan ida ona ha’u la promete maibe ba eventu tinan ida ne’e ha’u sei esforsu hatudu rezultadu diak” tenik Cerilio
“iha Ha’u tanba bele reprezenta Timor nia naran ba kompete rai liur nia sente kontente” nia espresa.
Antes ne’e atleta Cerilio Do Rego Cruz Lein mos kompete iha eventu Sea games Kambodia 2022 no susesu konkista medaila osan metan ida mai Timor Leste.
Entertantu eventu Asean Games 2023 nee sei abertura iha loron 23 fulan setembru no sei termina iha loron 8 fulan agustu tinan ne’e.
JHD
