Dili– Treinador klubu Mauputar Fc, Remigio Da Silva, ladun fiar nia ekipa atu manan adversariu Becusse United Fc, iha jogu jornada dahuluk Liga futsal Timor Leste “Oka Laran diak” primeira divizaun epoka 2023-2024.
Jogu jornada dahuluk Liga futsal primeira divizaun entre ekipa Becusse United Fc kontra Mauputar ne’e sei hala’o iha kampu futsal F-FDTL Fatuhada Dili Domingu (06/08) iha tuku 17:00 OTL.
Iha entervista ho treinador klubu Mauputar Fc, Remigio Da Silva hatete, sira seidauk 100 pursentu atu manan tanba fator treinu sei sa’i difikuldade boot ba ekipa Mauputar sira nafatin iha esperansa atu hatudu jogu diak iha jogu Aban kontra Becusse United.
“Preparasaun seidauk 100%, tamba iha difikuldade ruma ne’ebe ami la bele kontrola, maibe ami iha esperansa atu hatudu joga diak iha jogo aban. Sedauk 100 porsentu, konfiansa iha hodi manan, maibe iha prinsipiu katak jogu ne’e sei rame to arbitru huu apitu ikus” dehan Treinador Remigio ba JHD via WhatsApp Sabadu (05/08).
Nia afirma, sira sei la anggap enteng ekipa ne’ebe deit no konsidera ekipa forte
“Klaru, ekipa ne’ebe kompete hamutuk ho ami, sempre ami konsidera forte” dehan nia.
Entertantu iha Liga Futsal Timor Leste epoka ne’e Mauputar Fc rekruta jogador foun hamatuk nain 5 mak hanesan Ramos (Bermeta Fc), Sulino (Bermeta Fc), Mitu (Maudoko Fc) Aldo no Eliu hosi Familia Anzas.
JHD
