DILI– Treinador klubu Boa Sorte Fc, Flavio Amaral, fiar nia jogador sei manan klubu kampeaun Pra Liga futsal Ramelau Fc iha jogu jornada dahuluk Liga futsal Timor Leste “Oka Laran Diak” Priemeira divizaun epoka 2023-2024.
Jogu entre ekipa rua ne’e sei hala’o iha kampu futsal F-FDTL fatuhada Dili domingu (06/08). Ho Liga futsal ne’ebe mak iha epoka ne’e sei lao deit ho metade de kompetisaun obriga ekipa hotu hotu tenke esforsu masimu hodi bele koileta pontus masimu.
Iha entervista ho treinador klubu Boa Sorte Fc, Flavio Amaral, rekonese katak sira ladun iha perparasaun ne’ebe mak masimu kompara ho Ramelau Fc ne’ebe konsistente tebes ba perparasaun, maibe Boa Sorte iha ona esperensia manan Ramelau.
“Boa Sorte ami perparasaun minimu tebes, tanba depois de ami rona informasaun hosi AFTL mak halo perparasaun, kompara ho Ramelau Fc ne’ebe mak ita rekonese katak konsisten depois de Pra Liga remata sira konsisten ba perparasaun too agora sei lao nafatin to’o agora”
“Ba jogu aban ami sente sufisiente para hasoru sira ami mai moto rasik mak “simples maibe kualidade” materia jogador ne’ebe mak simples maibe ami fiar ami nia jogador ne’e iha kualidade i ami fiar katak ami sei iha Sorte para bele manan iha jogu ne’e tanba ami Boa Sorte, ne’ebe ami nia sorte sempre iha hela deit” dehan Treinador ho fiar aan
Boa Sorte Fc no Ramelau Fc rasik hasoru malu ona Dala rua no ba dahuluk hasoru malu iha Pra Liga futsal ne’ebe Boa Sorte Fc manan ho score 2-0 no Iha Taxa AFAMA Ramelau manan hikas ho score 1-0.
“Haree hosi rezultadu ne’e ami hare katak sei iha balansu fiar aan ami iha oportunidade atu manan sira iha jogu aban” tenik nia.
“Ami fiar ami nia materia jogador ami la hakfodak ho sira tanba ami mos iha esperensia manan sira” nia hatutan.
Iha sorin seluk asistente treinador klubu Ramelau Fc Filipe Gomes rekonese katak Boa Sorte Fc nuudar ekipa forte maibe sira mos perparadu atu bele hetan rezultadu pozitivu durante 40 minutus nia laran.
“Ekipa Boa Sorte ekipa ne’ebe mak forte ami mos perpara ami nia aan ami nia ekipa jogador sira para aban ne’e ami perpara para 40 minutus ne’e mak sei determina maibe ami garante rezultadu pozitivu” dehan Treinador ne’e.
Nune’e mos guarda rede Ramelau Fc, Jufer Ramalho, hatete, sira perparadu no prontu atu asegura nia rede atu bele koileta pontus tolu iha jogu kontra Boa Sorte Fc.
“Hakarak lori ekipa Ramelau manan Boa Sorte Fc, ne’e ha’u fiar aan katak aban ami sei manan”
Nia afirma, desde nia halo perparasaun treinu ho Ramelau Fc, ne’e Ramelau Fc iha sitema jogu ne’ebe mak furak tanba ne’e nia optimista sei manan iha jogu refere
JHD.
