DILI– Tempu besik “Taxa Esperansa” sei fila fali atu fo vitoria no esperansa ba Eskola Sekundariu Geral no privadu sira hotu iha Dili laran.
“Objetivu jerál hosi kriasaun torneiu Taça Esperança 2023 maka atu mellora komunikasaun no armonia entre estudante sira hodi hametin lasu amizade no objetivu prinsipál oinsá atu aumenta espíritu desportivu, disiplina, responsabilidade no konesimentu iha jogu futeból hodi promove no dezenvolve talentus liu hosi buka fini jogadór, hadi’ak sira-nia mentalidade, fíziku no liuliu hamosu espíritu patriotizmu iha ámbitu ba komemorasaun loron istóriku nasional FALINTIL 20 agostu ho konsulta populár dia 30 agostu” dehan kordenadór Komisaun Organizadora Domingos Caeiro ba JHD Tersa (15/08).
“Ita espera ba ekipa partisipantes no adeptu sira bele tane aas espíritu fair play no onestidade durante jogu hahú to’o remata tantu iha kampu laran ka li’ur, tanba tuir tema atividades torneiu nian “Vitória ho Esperança” hamutuk lori futeból sai orgullu nasiona ne’e signifika laós de’it atu kompete hodi hetan vitória maibé mós ita tenki iha esperança katak ita-nia hamutuk sai forsa boot ida atu konstrui identidade no unidade nasionál hodi konkista to’o nível internasionál” nia tenik
Nia afirma, futeból rasik iha nia força bele transforma futeból sai orgulho nacional.
“Torneiu née rasik ho nia sistema do jogu meia kompetisaun no sei partisipa hosi Eskola Secundariu Geral ho Privada hamutuk 16 ne’ebé ejiste iha kapitál Díli no hetan konvite hosi Komisaun Organizadora” Nia explika
Nia dehan, Komisaun Organizadora nafatin iha prontidaun atu kontinua realiza iha futuru ho hanoin atu oinsá aumenta liután ekipa partisipantes sira.
JHD
