DILI– Iha loron 20 fulan agustu tinan 2023 ne’e, Timor-Leste sei selebra loron FALINTIL Forsa Defeza Timor-Leste (F-FDTL) ba dala-48, nune’e Federasaun Motor Siklizmu Timor-Leste (FMCTL), realiza atividade Road Race, ne’ebe sei kompete hosi team 20 ne’ebe mak mai hosi Kupang NTT no mos iha rai Rai laran rasik.
Asuntu ne’e relata hosi Vise Prezidente FMCTL, Helder Veirra, ba jornalista sira liu hosi konferensia imprensa iha salaun Haksolok Vila verde, Tersa (15/08).
“Eventu Road Race sei hahú iha 18 to’o 20 Agustu, ne’e fó hatete ba públiku no team ne’ebé partisipa iha eventu ida-ne’e, hotu-hotu prepara ninia motor”, Vise Prezidente FMCTL Ne’e informa.
Team hamutuk 20 kompostu hosi TL no Indonésia, ne’e kuaze rejistu hotu ona. Enatun Kurta (ohin) 16/08/2023 halo teknical meeting hamutuk ho team lokál no mós Indonésia.
Vise Prezidente ne’e afirma, primeiru ba vensedór sira ne’e komisaun prepara ona, maibé diferente tanba ho klasse lokál hamutuk 16 no internasionál hamutuk 5.
klase internasionál sei partisipa ho pembalap lokák balun hodi kompete ho reading hosi Indonésia.
Kona-ba kampu, nia dehan, daudaun ne’e komisaun organizador prepara ona mak tasi tolu, ne’e hetan apoiu hosi Governu liuhosi MJDAK no mós sponsor hanesan, pertamina internasionál inklui kompañia balun.
Vise Prezidente Helder Veira, informa, komisaun organizadór koopera ona ho parte PNTL no F-FDTL, tanba eventu ne’e atu komemora loron FALINTIL ba dala-48 nian. Inklui parte Bombeirus no mós saúde.
JHD
