DILI– Eventu road race-super motor nasional no internasional, ba edisaun daruak tinan 2023, neebe mak realiza hosi federasaun motorcyclismu Timor Leste hodi komemora loron anniversariu FALINTIL ba dala 48 ofisialmente termina ona ho susesu.
Eventu Road Race ba daruak ne’e la’o durante loron tolu hahu hosi loron 18 to’o 20 fulan agustu hodi komemora loron Falintil 20 de agustu ba dala 48.
Kompetisaun nee partisipa hosi Raider sira kategoria nasional no internasional neebe mai hosi nasaun vizinhu Indonesia tuir kategoria neebe diferente hahu hosi Under 14 too klase veteranu.
Klase neebe mak Raider sira kompete hamutuk 21 iha neebe klase nasional hamutuk 16 no klase internasional hamutuk 5.
Iha intervista ho prezidente komisaun organizadora neebe mak hanesan vise prezidente Federasaun Motorciclismu Timor Leste (FMC-TL) Helder Vierra, agradede ba parte hotu neebe mak durante loron tolu esforsu masimu hodi termina ona ho susesu.
“Ha’u agradese ba parte hotu hotu ba Patrosinador sira hotu ba governu liu hosi Ministeru Joventude no Despotu no mos ba media sira hotu durante loron tolu halo ona kobertura ba ami nia atividade ida ne’e ha’u agradese ba haree nain sira hotu ohin ita haree kontroladu tanba ne’e mak ha’u agradese ba Komisaun Organizadora hotu tanba eventu ne’e boot tebes ha’u mesak karik servisu ne’e sei la sa’i susesu hanesan ne’e Enome Federasaun no komisaun Organizadora ha’u hato’o agradese no hakuak boot ba ekipa tomak” dehan prezidente Komisaun Organizadora Helder Vierra ba jornalista sira hafoin halo atribuisaun premiu ba manan nain sira iha tasi tolu Dili Domingu (20/08/2023).
Vise prezidente FMC-TL nee afirma, ba futuru federasaun sei dezenvolve diak liu tan tanba apoiu hosi governu.
“Ha’u espera katak ba oin federasaun sei dezenvolve diak liu tan tanba apoiu hosi Govenu, atu hetan patrosinador sira hosi parte hotu hotu ha’u fiar katak kampu ne’e sei sa’i kampu Internasional ida tanba ita haree eventu ida ne’e foin ba dala rua mais partisipasaun maximu tebes hosi pembalap Indonesia” nia afirama.
“Liu hosi biban ne’e obrigado ba kolega sira hosi Nusa Tenggara Timur (NTT) neebe mai ho pembalap 30 hosi NTT Obrigado IMI iha Bandung ne’ebe mak mai ho Pembalap 7 kolega hosi Surabaya mai ho Pembalap nain 2 lori Federasaun nia naran ha’u hato’o obrigado tanba partispa ona hodi harame eventu ne’e” dehan Helder
Iha fatin hanesan atleta Romario Agustus Ferreira Moniz hosi HV Store Racing team, neebe mak sa’i mellor kampeaun iha eventu nee espreaa sentimentu kontente tanba hetan apoiu hosi team no durante halo perpasaun too ohin loron bele sa’i mellor ekipa iha Timor
“Sente kontente ba suporta team sira hau nia mekanik durante suporta hau treinu iha fulan hira nia laran too ohin loron hau bele hetan juara umum iha Timor neebe hau sente kontente orgullu tebes Ba oin bele diak liu tan”
Evnetu hetan apoiu fundus hosi governu liu hosi ministeru joventude desportu arte no kultura ho montante dollar rihun 20. No empreza Pertamina Internasional iha Timor Leste mak sa’i patrosinador prinsipal ba eventu refere.
JHD
