DÍLI–Kongresu extraoridinariu Federasaun Futebol Timor-Leste (FFTL) ne’ebé mai husi ezijensia Asosiasaun Futeból no klubu sira hahu iha naroman, tanba dalan ba Kongresu Extraordináriu ne’e Asosiasaun Futebol Munispiu inklui asosiasaun profesional hamutuk 14 prontu ona atu lori Nilton Gusmao ne’ebe mak hanesan mos pioneru ba liga Futeból Timor-Leste ne’ebé hahu ho LFA to’o tranforma ba LFTL atu lidera FFTL bá periodu 2023-2027.
Relasiona ho kongresu Oridinaria FFTL bá da-8 ne’ebe mak realiza iha Otel Novu Turizmu, Sabadu, (01/07/2023). Asosiasaun Futebol hamutuk 16 lakon ona konfiansa ba estrutura atual FFTL neebe mak lideradu hosi Francisco Jeronimo nunee deside atu halo kongresu extraoridinariu tanba la iha ona konfiansa ba Prezidente FFTL ne’ebe mak la kumpri nia promesa iha kongresu extraoridinariu ba dala hitu ne’ebe mak hala’o iha fulan Fevreiru 2022.
Ho nune’e dalan ba Kongresu Extraordináriu FFTL bá dala-9 ne’e lori figura rua ne’ebé sai ona diskusaun iha Asosiasaun sira atu hili entre Kalbuady Lay eis Prezidente FFTL no Nilton Gusmão ne’ebé hanesan mos pioneru ba liga Futeból Timor-Leste ne’ebé hahu ho LFA too tranforma ba LFTL no iha ona asosiasaun futebol hamutuk 14 prontu ona atu lori pioneiru ba liga Futeból Timor-Leste Nilton Gusmao atu lidera FFTL bá periodu 2023-2027.
Prezidente asosiasaun Munispiu Bobonaro, Domingos Goveia ne’ebe mak nuudar mos ekipa susesu ba kandidatura Nilton Gusmao nian ne’e hatete, publiku hatene federasaun iha problema ne’ebe problema ne’e FIFA tau matan i setembru nia laran sei iha kongresu extraoridinariu tanba ne’e sira perpara ona pakote ida ne’ebe mak asosiasaun sira apoiu ne’e mak pakote Nilton Gusmao ho General Falur Rate Laek atu lidera FFTL bá periodu 2023-2027.
“Ha’u Hanoin publiku tomak hatene ita nia federasaun iha problema ne’ebe problema ne’e FIFA tau matan i setembru nia laran sei iha kongresu extraoridinariu tanba ne’e ami perpara ona pakote ida ne’ebe mak ami asosiasaun sira apoiu ne’e mak pakote Nilton Gusmao sei avansa ho General Falur Rate Laek sa’i prezidente FFTL tuir mai”Prezidente asosiasaun Munispiu Bobonaro, Domingos Goveia ba jornalista sira iha Otel City-8 Manleuana Dili domingu (27/08/2023).
“Ohin ami enkontru iha Otel JL VILA asosiasaun 14 mak apoiu ba Nilton Gusmao atu lidera Federasaun ne’e mak hanesan asosiasaun futebol munispiu Bobonaro, Baucau, Liquisa, Oe-Cusse, Lospalos, Viqueque, kampeaun Primeira divizaun, Asosiasaun Treinador, asosiasaun arbitrajen, sentru juvenil, asosiasaun femenina, Same no mos Manatutu balu mos ohin telfone dadauk hakarak mai tan ne’ebe ami fiar katak kongresu mai laos 14 asosiasaun deit maibe bele mos absoluta apoiu Nilton Gusmao” informa ekipa susesu kandidatura Nilton Gusmao ne’e.
Nia explika, razaun asosiasaun futebol 14 fo konfiansa ba Nilton Gusmao ne’e tanba sira hakarak mudansa ba futebol iha Timor Leste liu hosi jerasaun foun ho hanoin diak atu dezenvolve bola iha Timor Lorosae, asosiasaun sira mos garante katak Nilton Gusmao sei halo mudansa tanba nia jerasaun foun ne’ebe Ema hotu konese klean nia.
Iha fatin hanesan Nilton Gusmao Santos explika, Formalente asosiasaun sira balu husu nia atu bele kandidata ba Prezidente Federasaun Futebol Timor-Leste nain maibe ne’e sei iha faze konversasoens
“Ha’u rasik seidauk deklara kandidata ka lae maibe buat hotu depende ba asosiasaun sira tanba asosiasaun sira maioria apoiu ema seluk ita hotu hamutuk ba paoiu mais se maioria hanoin ou hakarak atu apoiu ha’u, ha’u prontu para atu bele tuir buat ne’ebe asosiasaun sira hakarak” Nilton Gusmao Informa.
“Ita hotu iha ne’e hakarak atu ba organiza ou kontiribui hadia dezenvolvimentu futebol maibe buat hotu depende ba asosiasaun sira tanba asosiasaun sira mak iha direitu de votus tantu Komunikasaun nian maibe desizaun ikus seidauk iha tanba sei iha hela faze kominikasoens”tenik Nilton.
“Sim ha’u prontu iha saida deit ne’ebe mak ema persija fo ha’u nia energia hodi bele hadia, maibe buat hotu hotu depende ba ema ne’ebe mak iha diretu de votus nia apiu, prontu asosiasaun sira hatene se mak ideal liu atu bele Lidera FFTL ha’u hanoin sira hatene liu ita hotu, i media sira mos hatene ha’u fiar katak sira mos iha papel ne’ebe mak importante teb-tebes ba dezenvolvimentu Despotu tanba ne’e mak Media asosiasaun sira sei haree ida ne’ebe mak diak liu para hodi bele lidera federasaun futebol Timor Leste” nia hakotu
Entertantu asosiasaun sira ne’ebé mak iha direitu atu vota iha kongresu extraoridinariu ne’e hamutuk 21 mak hanesan, Asosiasaun Futeból Dili Leste, Asosiasaun Futeból Díli Oeste, Asosiasaun Futeból Manufahi, Asosiasaun Futeból Manatuto, Asosiasaun Futeból Baucau, Asosiasaun Futeból Lautém, Asosiasaun Futeból Viqueque, Asosiasaun Futeból Ermera, Asosiasaun Futeból Likisa, Asosiasaun Futeból Bobonaro, Asosiasaun Futeból Covalima, Asosiasaun Futeból Aileu, Asosiasaun Futeból Ainaro, Asosiasaun Futeból Oe-cusse, Asosiasaun Arbitragem, Asosiasaun Treinador, Asosiasaun Futsal, Asosiasaun Feto, Asosiasaun Juvenil, Kampiaun Primeiru Divizaun Karketu Díli FC no kampiaun segunda divizaun DIT FC.
Rep : Charlly Junior
