Dili– jornada da-8 Liga futsal Timor Leste primeira divizaun epoka 2023-2024, ekipa Ramelau Fc susesu halakon nia adversariu Because United ho score 16-0. Ho rezultadu ne’e lori ekipa Ramelau Fc ukun provizoriu Liga Futsal ho ho pontus 22.
Hala’o jogu iha kampu F-FDTL fatuhada Dili, Tersa,(14/11/2023). Ramelau tun kedas ho ambisaun boot hodi halo jogu ho agresivu hodi lansa presaun no rezultadu jogu primeira parte Ramelau Fc susesu produs golu 4.
Enkuantu because United ne’ebe mak hetan presaun makas hosi Ramelau Fc susar atu halo kaunter atake ho nune’e priemeira parte termina ho score 4-0.
Iha segunda parte Ramelau Fc kontinua ho presaun makas ba ekipa Because United no rezultadu iha segunda parte Ramelau Fc susesu produs tan golu 12 hodi taka jogu segunda parte ho score 16-0.
Ho rezultadu vitoria ne’e lori ekipa Ramelau Fc dudu ses Mauputar Fc hodi ukun provizoriu Liga Futsal Timor Leste priemeira divizaun ho pontus 22 no diferensia golu 9 ho Mauputar FC hosi jogu dala 8 manan dala 7 no empata dala ida
JHD
