BALIBO– Bupati Belu Nusa Tenggara Timur (NTT) Indonesia, Agustinus Taolin hamutuk delegasaun sira Belu, Malaka, no Kefa no Kota Madia Kupang Indonesia to’o ona iha iha Maliana hodi harame festival Fronteira 2023.
Bupati Belu NTT Agustinus Taolin ho delegasaun sira to’o iha Balibo mais ou menus tuku 11 : 30 OTL hodi partisipa iha inagurasaun monumentu liberdade Balibo.
Hafoin to’o iha Balibo simu kedas hosi Sekretariu Estadu Arte no Kultura Jorge Soares Cristovao hamutuk Diretor Centru Nasional Cega (CNC) Hugu Maria Fernandes
“Ohin loron ne’e ita atu partisipa iha eventu Festival Fronteira 2023 interkambiu kultural ba hametin rekonsiliasaun ne’ebe eventu ita Hasoru malu fo neon ba malu fo laran ba malu hodi hadia ita nia relasaun entre rai rua” dehan Bupati Belu Nusa Tenggara Timur (NTT) Indonesia, Agustinus Taolin iha nia diskursu, Kuarta (15/11/2023.
“Ita ne’e familia tanba ne’e mak ami orgullu lori Ami nia ekipa dancer ho seluk tan atu harame eventu ne’e” Nia hatutan.
Nia afirma, sira mos koalia ona Espera ho atividade sira hanesan ne’e ba futuru sei halo iha Mota-Ain ne’eba.
Iha fatin hanesan Sekretariu Estadu Arte no Kultura (seak) Jorge Soares Cristovao, haktuir, Delegasaun ne’ebe mak iha dansa kultura ba dansa kotepora nian loron rua liu ba mai hosi kabupaten Belu, Malaka, Kota Madia Kupang sira treinu hamutuk.
“Ita Nia eventu ida ne’e ita iha art performance, ho feira aleinde ida ne’e ita mos sei iha seminariu ka kolokiu Kultura oinsa mak atu hametin relasaun amizade fraternidade hametin ita nia rekonsiliasaun hosi komunidade iha area Fronteira ho nasaun Timor Leste ho nasaun Indonesia” Nia hakotu.
JHD
